Црна хроника
Без возачка дозвола превезувале питбул повреден во борба, уапсени деветнаесетгодишник и двајца 17-годишници
На локалниот пат кон село Камењане доцна синоќа полицијата сопрела „голф“ со тетовски регистарски таблички управував од 19-годишниот А.Д. кој немал возачка дозвола, а во багажникот превезувал повредно куче.
„При преглед во багажникот на возилото е пронајдено повредено куче од расата питбул, за кое лицата во возилото изјавиле дека е повредено при борба со кучиња во селото Камењане. Заедно со возачот, лишени од слобода се и двајца 17- годишни сопатници од село Желино“, соопшти МВР.
За повреденото куче полицијата известила ветеринарен инспектор. Се преземаат мерки за лекување на животното и документирање на случајот. Лицата заедно со возилото се задржани во полициска станица и по документирање на случајот МВР најави соодветен поднесок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична пријава за жител на Миладиновци, истоварил 43 буриња со амонијак на државно земјиште
Полицијата поднесе кривична пријава против 62-годишниот Д.М. од селото Миладиновци поради сомнение за сторено кривично дело „загрозување на животната средина и природата со отпад“.
Според полицијата, на 12 ноември 2025 година пријавениот со товарно возило истоварил 43 метални буриња исполнети со водени раствори на амонијак на земјоделска површина во атарот на неготинското село Кукуричани.
Како што соопштија од полицијата, земјиштето на кое биле оставени бурињата е во државна сопственост.
Црна хроника
17-годишник од Карбинци паднал од коњ, со тешки повреди пренесен во болница
Вчера од Клиничка болница Штип е пријавено дека кај нив со тешки телесни повреди бил донесен 17-годишник од с.Почивало, општина Карбинци.
Според пријавеното, тој со повредите се здобил при пад од коњ и поради сериозноста на повредите е пренесен во Комплекс клиники „Мајка Тереза“ Скопје за укажување на лекарска помош.
Извршен е увид.
Црна хроника
20-годишникот кој се удави вчера во Струга бил со педалинка во езерото – МВР со детали
Дваесетгодишниот С.С. починал во Медицинскиот центар во Струга, откако преходно бил изваден од водите на Охридското езеро на „Машката плажа“.
Според информациите од полицијата, тој бил со педалинка во езерото.
„Бил пренесен во Медицински центар Струга за укажување на лекарска помош,а во 16:05 часот починал. Лекар констатирал смрт, а по наредба на јавен обвинител телото на починатиот е предадено за обдукција“, соопшти МВР.
Извршен е вид од увидна екипа на ОВР Струга.
