Црна хроника
БиХ: Уапсен осомничен за убиството на српската пејачка Јелена Марјановиќ
Припадниците на полицијата во босанскиот град Брчко го уапсиле во саботата утрото српскиот државјанин Небојша Ројко наречен Вихор, кого српската полиција го бара поради сомневање дека во Белград ја убил тамошната позната пејачка Јелена Марјановиќ, потврди полицијата на Босна и Херцеговина.
„Тој е уапсен и приведен во полицијата, по што над него ќе биде извршена криминалистичка обработка“, изјавил портпаролот на полицијата на дистрикот Брчко, Халид Емкиќ. Појаснил дека Ројко е уапсен во населбата Грбавица, а по испитувањето е предаден на Службата за странци на БиХ
Осомничениот Ројко, кој е во бегство по бруталното убиство на српската пејачка Јелена Марјановиќ, е веќе предаден на Службата за странци и потоа ќе биде однесен во Имигрантскиот центар на БиХ, пишуваат сараевските електронски медиуми.
По Ројко српските власти немаат распишано потерница, но тој е уапсен врз основа на написи во медиумите, навеле од Службата за странци на НиХ.
Небојша Ројко наречен Вихор (виор) побегнал кога полицијата упаднала во неговиот дом, кое се наоѓа во населбата Црвенка крај Белград, само неколку стотина метри од местото каде што е убиена Марјановиќ. Од тој момент српската полиција интензивно трагаше по него.
Несреќната 32-годишна пејачка беше убиена на еден од насипите крај Белград, а убиецот, според наводите на српските медиум, ѝ ја смачкал главата со бејзбол палка.
Исчезнувањето на Јелена Крсмановиќ Марјановиќ беше пријавено минатата сабота (2-ри април), откако по 15 часот не се вратила од трчање на насипот во Борча. Исчезнувањето го пријавил нејзиниот сопруг, кој со неа и ќеркичката бил на насипот, пред Јелена да отиде на трчање, по што ѝ се губи секаква трага. /крај/мф/ст
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен крадец во Кавадарци
Вчера во 18.50 часот во Кавадарци, полициски службеници од ОВР Кавадарци го привеле Ф.Ј.(18) од Кавадарци.
Тој се сомничи дека извршил „кражба“ од дворот на манастирот „Свети Никола Моклишки“ во атар на с.Ваташа, кавадаречко, при што одзел повеќе предмети. Кај него биле пронајдени одземените предмети и биле вратени на сопственикот.
За настанот бил известен јавен обвинител и по негово документирање ќе биде поднесена соодветна пријава.
Црна хроника
167 санкционирани возачи во Скопје
Секторот за внатрешни работи Скопје вчера продолжи со контролите во областа на сообраќајот.
На територија на град Скопје изречени се вкупно 167 мерки, меѓу кои за возење повеќе од дозволената брзина 16 санкции, 10 мерки за возење без возачка дозвола, 14 санкции за минување на затворен сигнал – црвено светло, девет мерки за користење на мобилен телефон при возење…
Црна хроника
Четири лица искасани од кучиња скитници во Скопје
Четири лица пријавиле во полициска станица дека биле искасани од кучиња скитници вчера во Скопје.
На 26.03.2024 во 12.55 часот во Полициската станица Центар, А.К.(24) од Прилеп пријавил дека на ул.„Орце Николов“ во Скопје бил каснат од куче скитник.
На 26.03.2024 во 13.35 часот во Полициската станица Центар, И.А.(60) од Скопје пријавил дека на ул.„Радњанска“ во Скопје бил каснат од куче скитник.
На 26.03.2024 во 13.50 часот во Полициската станица Центар, В.В.(57) од Охрид пријавил дека во Скопје, на подрачјето на Центар бил каснат од куче скитник.
На 26.03.2024 во 12.45 часот во Полициската станица Аеродром, Д.К.(53) од Скопје пријавила дека на ул.„Беласица“ во Скопје била касната од куче скитник.