Црна хроника
Битолчани се обиделе да продадат културно наследство во Грција
Тројца битолчани се осомничени дека се обиделе да продадат во Грција предмети кои претставуваат културно наследство за Македонија, соопшти во четвртокот Министерството за внатрешни работи.
Осомничените на непознат начин прибавиле два предметa кои претставуваат редок примерок со особено културно значење за Македонија , односно женска фигура и глава која е составен дел на истата фигура изработени од мермер. Предметите ги задржале за себе и не ги пријавиле кај надлежните институции.Во периодот од септември до 6-ти октомври се обиделе да ги изнесат предметите преку државната граница со Грција и да ги продадат на непознато лице. Со тоа сега пријавените предизвикале штета на интересите на Македонија за зачувување и заштита на културното и историско наследство.Против нив е поднесена кривична пријава за „присвојување добра под привремена заштита или културно наследство или природни реткости“ и за обид да сторат кривично дело „изнесување во странство добра под привремена заштита или културно наследство или природни реткости“.Битолската полиција поднесе кривична пријава и против двајца жители на битолското село Породин, бидејќи оштетиле археолошко наоѓалиште додека копале на нива.Додека вршеле земјоделски работи на нива, оштетиле археолошко наоѓалиште, локалитет „Велушка Тумба“, кое се наоѓа во средината на обработливо земјиште, околу кое се простира заштитен појас. Земјиштето кое го обработувале им било дадено на користење од страна на Земјоделскиот комбинат „Пелагонија“. Пријавените знаеле дека на земјиштето кое го обработуваат има локалитет, но не знаеле кои се точните граници на локалитетот бидејќи не било обележано. /крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.