Црна хроника
Бркотници меѓу полицијата и комбе полно мигранти
Возач на комбе полно со мигранти, во петокот приредил бркотница со автомобили со полицијата, на потегот од Крива Паланка до Тетово, а попатно предизвикал и неколку сообраќајни незгоди. Полицијата се обидела и со пукање да го спре, но тој продолжувал да бега.
Имено, на магистралниот пат Куманово-Крива Паланка, додека полициските службеници вршеле редовна контрола на возила и возачи, околу 10.15 часот, од Крива Паланка кон Куманово се движело комби со албанска национална ознака и во моментот кога полициските службеници се обиделе да го сопрат возилото, возачот со голема брзина свртел полукружно и почнал да бега назад кон Крива Паланка.
Полициските службеници веднаш тргнале во потрага по возилото, при што кај местото викано Света Петка, тој повторно свртел полукружно и со голема брзина продолжил да бега кон Куманово. При обид на полициските службеници да го престигнат возилото, возачот не им оставил простор обидувајки се да удри во службеното возило. Продолжувајќи со голема брзина од магистралниот пат се вклучил на автопатот бегајќи во насока кон Скопје, притоа не застанувајќи на неколкуте полициски патроли кои се обиделе да го сопрат.
Заради сопирање на возилото, на автопатот е поставена блокада, но возачот не застанал и обидувајќи се да прегази полицискиот службеник ја поминал блокадата, при што од страна на полициските службеници се испукани неколку куршуми во воздух, но возилото не застанало и движејки се со голема брзина се исклучило кон Куманово и продолжило по регионалниот пат кон Скопје.
При бегањето, возачот во неколку наврати ќе предизвикал сообраќајни незгоди, а во близина на железничката пруга кај Черкеско село удрил во автомобил и не застанувајќи продолжил кон село Никуштак каде повторно не застанал на полициската патрола обидувајќи се да прегази полициски службеник, при што од страна на патролата е пукано во воздух.
Возилото продолжило со голема брзина продолжило да бега, и преку село Арачиново се упатило кон Скопје и се исклучило на обиколницата кон Тетото, не застанувајки на патролата на автопатна полиција. Исто така не застанал ниту на наплатната рампа туку кршејќи ја со голема брзина продолжил да се движи кон Тетово.
Во близина на село Групчин возилото е блокирано од страна на повеќе службени возила, кои го сопреле и возачот Ќ.Р. (36) од село Радолишта, струшко, е лишен од слобода. Во возилото имало 12 мигранти од Сирија. СВР Скопје работи на целосно расчистување по што ќе бидат поднесени соодветни кривични пријави./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.