Црна хроника
Четворица исчезнати, двајца биле штитеници во Домот за деца без родители
Четири лица биле пријавени за исчезнати во полиција во последните два дена. Тројца се од Скопје, а едно лице е од Кавадарци. Меѓу исчезнатите има двајца штитеници во Домот за деца без родители.
Во средата вработена во Домот „11-ти Октомври“ во Скопје пријавила дека во вторникот двајца штитеници на возраст од 16 и 17 години излегле од Домот и не се вратиле.
Истиот ден скопјанец пријавил дека неговата дваесетгодишна сестра не се вратила дома од понеделникот.
Во четвртокот пак кавадарчанка пријавила дека во средата нејзиниот триесет и седумгодишен внук од Скопје, кој бил дојден кај неа на гости, излегол во центарот на Кавадарци и по половина час не бил достапен на неговиот телефон, а не се вратил ни во Скопје. Се преземаат мерки за пронаоѓање на лицата./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Почина затвореник во Идризово
Вчера во 19:15 часот во СВР Скопје, од Казнено поправна установа Идризово Скопје било пријавено дека Р.Ф.(52) од с.Речане-гостиварско (осудено лице) починал, а лекар од Итна медицинска помош констатирал смрт без видливи знаци на насилство.
Извршен бил увид од увидна екипа од СВР Скопје.
По наредба на јавен обвинител телото на починатиот било предадено на обдукција.
Црна хроника
Украден сеф со пари од продажен објект во Карпош
Во 03.20 часот во СВР Скопје било пријавено дека во продажен објект на подрачјето на Карпош, од страна на непознати сторители, со употреба на физичка сила било влезено и одземен бил сеф со пари.
Се преземаат мерки за расчистување на случајот.
Црна хроника
Со трактор излетал од коловоз, тешко повреден маж во Виничко
Вчера, во 17 часот, во Полициската станица Виница било пријавено дека во село Трстија, Виничко, трактор „фергусон“, со штипски регистарски ознаки, управуван од 63-годишниот С. Ј. од село Нов Караорман, општина Карбинци, излетал од коловозот, извести МВР.
„Во несреќата тешки телесни повреди добил возачот, констатирани во Клиничката болница во Штип“, соопшти МВР.
Извршен бил увид од екипа на ОВР Виница.