Црна хроника
Четворица тешко повредени во три одделни сообраќајки
Дедо е во бессознание по сообраќајка, момче е тешко повредено, а повредени се и маж и жена, во трета сообраќајка во изминатото деноноќие.
Во неделата, во 11,45 часот на локалниот пат во село Ветрен, делчевско, се случила сообраќајна незгода во која Ѓ.Р. (82) од Делчево, управувајќи мотоцикл „Томос“ без регистарски ознаки, изгубил контрола и излетал од патот. Во незгодата Ѓ.Р. се здобил со тешки телесни повреди (мозочно крварење), и по укажаната лекарска помош во ЈЗУ „Гоце Делчев“ е пренесен во клиничка болница-Штип, каде во неконтактибилна состојба е задржан на понатамошно лекување. Увид на местото на настанот извршила екипа од полицијата во Делчево.
Истиот ден, во 17.30 часот на патот село Ореовец, прилепско, се случила сообраќајна незгода во која Ф.М. (19) од Прилеп, управувајќи мотоцикл „Зенгшен“ без регистарски ознаки изгубил контрола и излетал од патот. Во незгодата Ф.М. се здобил со тешки телесни повреди и со возило на Итна медицинска помош е пренесен во градската болница во Прилеп каде му е укажана лекарска помош и поради сериозноста на повредите е префрлен во Ургентен центар-Скопје.
Во неделата, исто така во 17.30 часот на локалниот пат село Врсаково-Штип се случила сообраќајна незгода помеѓу автомобил „Југо Корал“ со штипски регистарски ознаки, управуван од Љ.М. (68) од Штип и „Мерцедес А170“ со штипски регистарски ознаки, управуван од С.М. (38) од Штип. Во незгодата со тешки телесни повреди се здобиле возачот и сопатникот во „Југо Корал“, С.М. (61) од Штип, по што се пренесени во болницата во Штип, каде им е укажана лекарска помош и се задржани на понатамошно лекување./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.