Црна хроника
Чувар на депонија тешко повреден од лице што собирало предмети
Непознат сторител кој заедно со уште неколку лица собирале предмети од депонијата за смет на местото Краста, Куманово го нападнал чуварот на депонијата кој со тешки повреди е пренесен во Клиничкиот центар во Скопје.
Четириесет и едногодишниот чувар од кумановското село Пчиња, во средата на пладне забележал повеќе лица кои влегле во депонијата и собирале предмети. Кога им рекол да ја напуштат депонијата, еден од нив триесет и двегодишен кумановец, го нападнал и му нанел тешки телесни повреди. Повредениот бил пренесен на Хирушко одделение во Куманово, од каде како итен случај бил пренесен во Клиничкиот центар-Скопје. Се преземаат мерки за расчистување на случајот. Депонијата е во сопственост на „Чистота и Зеленило“ – Куманово. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.