Црна хроника
Дадилката не се чувствува виновна, адвокатот бара преквалификација на делото
Дадилката која е обвинета дека малтретирала деветмесечно бебе наместо да го чува, пред судот рекла дека не се чувствува воновна, а нејзиниот адвокат бара преквалификација на делото.
Јавноста беше исклучена на почетокот на судењето, а обвинетата дадилка со рацете си го покри ликот додека медиумите ја снимаа и фотографираа.детали ид судењето соопшти нејзиниот адвокат Ванчо Митев кој имал вовден говор на судењето. Тој бара преквалификација на делото, односно дека детето немало тешки телесни повреди.„Обвинетата сега одговара за запуштање и малтретирање на мелолетно лице со последица тешка телесна повреда. Овде такво нешто нема. Недопустливо е и тоа вештачењето за повредите на детето да го прави општ хирург кој е некомпетентен за тоа. За став 1, минималната казна затвор е една година, а за став 3, пет години, што е голема разлика. На ова судење беа сослушани и родителите на детето“, изјави Митев.Според него, на судењето се разјасниле некои работи и дека случајот не бил баш таков каков што бил прикажан во јавноста. Како што обелодени адвокатот, родителите ја поставиле камерата не затоа што се сомневале за нешто, туку сакале да видат како тече еден работен ден на дадилката, односно дали таа го изнесува детето доволно на воздух.Следното рочиште е закаѓано за на 12 јануари кога треба да бидат сослушани тројца вештаци на обвинителството, и двајца на одбраната. Според обвинителството, родителите на деветмесечното бебе ја ангажирале жената за да го чува нивното бебе, но се посомневале дека го малтретира нивниот син кога забележале модринки по неговото тело.Бебето кое пет месеци го малтретирала дадилката која била ангажирана да го чува, било нервозно, невесело, врескало навечер, а неговиот татко ја начекал дадилката и како го удира по лицето.На 20 август таткото ненајавено влегол во домот во Скопје и ја забележал шеесет и едногодишната дадилка како со рака го удира по лицето. Но не изреагирал, мислејќи дека се работи за негов превид.Наредните денови поставил видео камера во својот дом со цел да го заштити своето дете и да утврди како за него се грижи дадилкaта.На видео снимката, којашто е објавена и во јавност, се гледа како дадилката го малтретира и тепа детето, му вика, го навредува, го штипи за рачето, го треска во релаксаторот и во раце, го тегне за уши.Тетката на бебето на социјалната мрежа Facebook објави видео од скриена камера што ја поставил таткото на бебето, на кое се гледа како дадилката наместо да го чува, го малтретира бебето./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.