Црна хроника
Даравелски и официјално уапсен во Србија по повеќе од деценија во бегство
Драган Даравелски, поранешниот директор на Царинската управа на Македонија во Владата на поранешниот премиер, Љубчо Георгиевски е уапсен во Србија, потврдуваат од Министерството за внатрешни работи за Макфакс.
Други детали засега нема за овој случај. Даравелски е уапсен по повеќе од една деценија бегство, односно по 13 години престој во Србија. За него во 2003 година беше издадена потерница, откако шест месеци пред тоа полицијата трагаше по него. Тој беше спектакуларно уапсен во Белград, но само по неколку дена тој покажа документ дека е српски државјанин и не беше екстрадиран.Даравелски беше осуден на седум години затвор во отсуство за проневера односно за злоупотреба на службената должност и овластување.Потоа против него беа поднесени и други кривични пријави. Иако против него имаше повеќе кривични постапки во Македонија, Даравелски слободно живееше во Белград од 2003 година./крај/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.