Црна хроника
Демонстрантите фрлаа со камења и шишиња, полицијата смируваше со водени топови
Демонстрантите со камења и шишиња, полицијата пак со водени топови и шок бомби ги смируваше протестите пред Основниот суд Скопје 1, поради пресудата во случајот „Монструм“.
Полицијата успеа да ги потисне демонстрантите до џамијата „Јаја Паша“, додека голем дел од нив постојано фрлаа со камења кон припадниците на полицијата.
Протестот кулминираше кога демонстрантите започнаа да фрлаат камења врз полицијата пред комплексот судови, при што беа искршени и прозори од судот.
Полицијата употреби шок бомби и водени топови за да ги спречи демонстрантите да заминат кон седиштето на Владата.Засега нема официјални информации за повредени или приведени лица.
Протестот за донесената пресуда против обвинетите за петкратното убиство кај Смилковското Езеро не бил најавен во МВР, и бил организиран на социјалните мрежи./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Доживотен затвор за убиство во Кочани, за свирепо лишување од живот жена
По поднесено обвинение од Основното јавно обвинителство Кочани, а по признание на вина, Основниот суд во Кочани донесе осудителна пресуда за едно лице за кривично дело – Убиство извршено при родово базирано насилство и на свиреп начин, при што за сторителот е изречена казна – доживотен затвор.
Обвинетиот, на 25.09.2023 година на свиреп начин лиши од живот жена, нанесувајќи и многубројни убоди со нож.
Во обвинението, Основното јавно обвинителство Кочани го товареше обвинетиот и за кривично дело – Уцена кон истата оштетена, сторено пред убиството. Меѓутоа тоа дело обвинетиот не го призна, постапката е раздвоена и за тој дел од обвинението ќе продолжи судска постапка.
Црна хроника
Кучиња скитници искасаа три лица во Скопје
Синоќа, во 20.45 часот, во Полициската станица Аеродром, К. И. (48) од Скопје пријавила дека на улицата Владимир Комаров во Скопје била касната од куче скитник.
Истиот ден околу 14.20 часот во Полициската станица Карпош, Б. Р. (54) од Скопје пријавил дека во Градскиот парк во Скопје бил каснат од куче скитник.
Вчер,а во 15.45 часот, во Полициската станица Драчево, А. Н. (52) од Скопје пријавил дека на улицата Јустинијан Први во Скопје бил каснат од куче скитник.
Црна хроника
Возило излетало од патот Куманово – Скопје, возачот тешко повреден
Синоќа, во 19.20 часот, во СВР Куманово било пријавено дека на регионалниот пат Куманово – Скопје, кај с. Ново Село, Кумановско, патничко возило „сеат“, со кумановски регистарски ознаки, управувано од А. З. (20) од Куманово, излетало надвор од коловозот.
Во несреќата тешки телесни повреди добил возачот, констатирани во комплексот клиники „Мајка Тереза“ во Скопје.
Извршен бил увид од екипа на СВР Куманово.