Црна хроника
Девет македонски државјани депортирани од Косово
Девет македонски државјани биле депортирани од Косово. Истите платиле по 300 и 150 евра за да бидат превезени во Германија со намера таму да побараат азил.
Според информациите на МВР, на 21-ви август, на граничниот премин „Долно Блаце“биле депортирани девет македонски и еден српски државјанин поради илегален влез во Косово.
По преземени мерки било утврдено дека лицето Ф.Б. (30) од Гостивар, во претходен договор со лицата за сума од 300 евра за возрасен и 150 евра за деца се обидел да ги превезе до Германија со цел да побараат азил, по што на 20-ти август, преку неотворениот премин „Станчиќ“ со возило „форд транзит“ успеале илегално да ја преминат државната граница.
Против Ф.Б. полицијата поднесе кривична пријава за сторено кривично дело „злоупотреба на безвизниот режим со државите членки на Европската унија и на шенгенскиот договор“.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.