Поранешен директор на јавно рпепријатие од Охрид е осомничен дека на вработените по разни основи им задржувал дел од платите при што ги оштетил за над 4.200 евра.

СВР Охрид во четвртокот соопшти дека поднела кривична пријава против В.Ц. (51) од Охрид поради постоење основи на сомнение за сторени казнени дела „Злоупотреба на службена положба и овластување “.  

Во периодот од септември 2012 до април 2013 година, пријавениот во својство на одговорно лице-директор на ЈП„Нискоградба“-Охрид, искористувајќи ја својата службена положба, свесно извршил пречекорување на границите на службените овластувања и спротивно на законски, правен или друг основ им наложил на одговорните во финансиско-сметководствениот сектор на ова претпријатие, средствата кои на деведесет и осум вработени по разни основи им се задржувале од плати во вкупен износ од 260.374,00 денари, да не се уплатат за предвидените намени туку  противправно да се присвојат во корист на „Нискоградба“ и  со нив да се плаќаат обврските  према приватната фирма „КА инжинеринг“ДООЕЛ Охрид.

Со тоа, пријавениот им предизвикал штета на вработените а за јавното претпријатие со кое раководел  имотна корист во износ од 260.374,00 денари преку противправно присвојување-стекнување со средства од вработените и нивно неовластено користење за плаќања во корист на приватаната фирма.

За нелегално задржаните плати на работниците, пријавениот не ги известил вработените во ЈП„Нискоградба“  и не добил согласност истите да ги користи  за потребите на јавното претпријатие, бидејќи станува збор за средства од работниците а не средства од јавното претпријатие.

Истовремено, во  пресметките за месечни плати кои им се давале согласно Колективниот договор, работниците биле  известувани дека им се задржани средства за плаќање на обврските кои ги имале создадено, а таквите плаќања за реализација на обврските не им биле реализирани. Со тоа работниците биле доведени во заблуда дека средствата кои им се закинати на плата ке се насочат према дознаката во пресметките на плата. /крај/