Црна хроника
Директор на основно училиште незаконски ја издавал спортската сала
Наставник по физичко воспитување во основното училиште „Елпида Караманди“ во Битола додека бил на директорска функција незаконски ја издавал спортската сала.
Педесет и седумгодишниот И.Б. од Битола, вработен како наставник по физичко воспитување во ОУ „Елпида Караманди“, додека бил директор на училиштето, во периодот од 2010 до 2013 година, склучил девет договори за издавање на спортската сала, која е во сопственост на училиштето, и одобрил средствата добиени како приход од физички и правни лица за вкупен износ од 72.500 денари да се уплатуваат на жиро сметка на друг правен субјект – Здружение УСК „Елпида Караманди“ чиј претседател е неговата сопруга.
Исто така, пријавениот без да склучи договор за закуп на спортската сала и без никаков надомест да ја користи спортската сала за фитнес вежби и овозможил на извесна Д.Д. стекнување на приход во износ од 150.000 денари кој се остварувал со наплата на чланарина од членовите на фитнес клубот кој во тој период не бил регистриран како правно лице.
СВР Битола поднесе кривична пријава против И.Б.за сторено кривично дело „злоупотреба на службена положба и овластување“.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен крадец во Кавадарци
Вчера во 18.50 часот во Кавадарци, полициски службеници од ОВР Кавадарци го привеле Ф.Ј.(18) од Кавадарци.
Тој се сомничи дека извршил „кражба“ од дворот на манастирот „Свети Никола Моклишки“ во атар на с.Ваташа, кавадаречко, при што одзел повеќе предмети. Кај него биле пронајдени одземените предмети и биле вратени на сопственикот.
За настанот бил известен јавен обвинител и по негово документирање ќе биде поднесена соодветна пријава.
Црна хроника
167 санкционирани возачи во Скопје
Секторот за внатрешни работи Скопје вчера продолжи со контролите во областа на сообраќајот.
На територија на град Скопје изречени се вкупно 167 мерки, меѓу кои за возење повеќе од дозволената брзина 16 санкции, 10 мерки за возење без возачка дозвола, 14 санкции за минување на затворен сигнал – црвено светло, девет мерки за користење на мобилен телефон при возење…
Црна хроника
Четири лица искасани од кучиња скитници во Скопје
Четири лица пријавиле во полициска станица дека биле искасани од кучиња скитници вчера во Скопје.
На 26.03.2024 во 12.55 часот во Полициската станица Центар, А.К.(24) од Прилеп пријавил дека на ул.„Орце Николов“ во Скопје бил каснат од куче скитник.
На 26.03.2024 во 13.35 часот во Полициската станица Центар, И.А.(60) од Скопје пријавил дека на ул.„Радњанска“ во Скопје бил каснат од куче скитник.
На 26.03.2024 во 13.50 часот во Полициската станица Центар, В.В.(57) од Охрид пријавил дека во Скопје, на подрачјето на Центар бил каснат од куче скитник.
На 26.03.2024 во 12.45 часот во Полициската станица Аеродром, Д.К.(53) од Скопје пријавила дека на ул.„Беласица“ во Скопје била касната од куче скитник.