Црна хроника
Директорот на Пескара Вел Велес фатен во финансиски криминал тежок 165.000 евра
Директорот на фирмата Пескара Вел Велес и сметководителот вработен во Мак консалтинг Сузана ДООЕЛ Скопје затаиле данок во висина од 165.000 евра.
Финансиската полиција до Основното Јавно обвинителство во Велес поднесе кривични пријави против лицата Ј.М од Велес инаку директор на Пескара Вел Велес и З.З од Скопје вработен како сметководител.
Според податоците од предистражната постапка, првопријавениот Ј.М од Велес, во својство на управител и овластен потписник на банкарската сметка на правниот субјект ПЕСКАРА-ВЕЛ ДООЕЛ Велес, помогнат од второпријавениот З.З, сметководител од правниот субјект МАК КОНСАЛТИНГ СУЗАНА ДООЕЛ Скопје, со намера да се стекне со противправна имотна корист во период од 2008-2012 година противправно прикажал повисок износ на влезен ДДВ, на начин што за потребите на правниот субјект ПЕСКАРА-ВЕЛ ДООЕЛ Велес употребил поголем број на фактури со невистинита содржина за наводно извршени набавки на стоки, со вкалкулиран износ на ДДВ од правните лица ВИЗУС ИНТЕРНАЦИОНАЛ, МАРТОМ ДООЕЛ, БОР-ЗО ИНЖИНЕРИНГ, ТОМ-СТЕ ПРЕВОЗ и МАРТИН-МС сите од Скопје. Сите овие фирми кои буквално произведувале фактури со невистинита содржина, од претходно и се познати на финансиската полиција бидејќи истите се контролирани од страна на второпријавениот сметководител З.З против кој од страна на Финансиската полиција се поднесени неколку кривични пријави за измами за ДДВ тешки неколку милиони евра.
Криминалната шема која ја терале прво и второ пријавениот се состоела во тоа што второпријавениот З.З изготвувал фактури со невистинита содржина за наводна испорака на песок од страна на фирмите кои биле под негова контрола до крајниот корисник Пескара Вел Велес. Откако Пескара Вел Велес ќе извршела плаќање за наводно набавениот песок од фирмите ВИЗУС ИНТЕРНАЦИОНАЛ, МАРТОМ ДООЕЛ, БОР-ЗО ИНЖИНЕРИНГ, ТОМ-СТЕ ПРЕВОЗ и МАРТИН-МС, З.З кој бил овластен потписник на банкарските сметки на сите овие фирми, парите ги вадел од банкарските сметки и му ги враќал на првопријавениот Ј.М.
Олеснителна околност за откривање на сторениот финансиски криминал е и неспретноста на пријавените бидејќи во испратниците за наводен транспорт на песок откриено е дека како средства за превоз на илјадниците тони песок наместо камиони евидентирале патнички моторни возила од кои едно е приватниот џип на второпријавениот З.З, две возила се со таблици кои ги користи Службата за општи и заеднички работи при Владата на Република Македонија а преостанатите таблици се од патнички возила кои не биле во употреба подолг временски период. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.