Црна хроника
Два инцидента во скопско, пукање во училиште и на автобуска постојка
Два инцидента се случиле во средата во скопско Кондово, во едниот инцидент се пукало во училишен двор, а во вториот на автобуска постојка.
Првиот инцидент се случил околу 7.40 часот, кога кондовец отишол во тамошното основно училиште, бидејќи две лица го малтретирале неговиот син и му барале пари кои не им ги должел. Таткото отишол во училиштето за да разговара со таткото на едно од лицата кои го малтретирале синот. Но, тој почнал да го навредува неговиот син и се обидел да го нападне таткото, но вработените во училиштето го спречиле. По 15 минути во дворот на училиштето пристигнале двете лица кои го малтретирале синот и со пиштол му се заканувале на таткото. Откако им се спротивставил, влегле во возилата, а еден од нив при заминувањето испукал еден куршум.Другиот инцидент се случил околу 12.45 часот во близина на угостителскиот објект „Алинеја“, додека кондовец со неговата сопруга чекал автобус. Во еден момент застанале две патнички возила, од кои излегле шест лица кои имале бејзбол палки, а едниот од нив имал пиштол во раката по што започнале да му се закануваат и да го навредуваат кондовецот.Едниот од нив го репетирал пиштолот и го вперил кон кондовецот, но тој успеал да избега. Се преземаат мерки за пронаоѓање на сторителите и расчистување на случаите./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
Тетовец агресивно се однесувал со полицаец што вршел обезбедување на претседателските избори
Вчера, во 18.45 часот, полициски службеници од СВР Тетово пред влезот на основно училиште во Тетово го привеле Ѓ. Ј. (37) од Тетово затоа што агресивно се однесувал кон полициски службеник што вршел обезбедување при одржувањето на претседателските избори.
По документирање на случајот, ќе следува соодветен поднесок.