Црна хроника
Двајца тешко повредени во сообраќајка во која учествувал Павле Трајанов, тој не е повреден
Пратеникот и претседател на партијата Демократски сојуз, Павле Трајанов учествувал во сообраќајна несреќа што се случила во саботата попладне околу 16.15 часот на автопатот Скопје- Гевгелија.
Во несреќата тешко повредени се две лица, а трето лице е лесно повредено, додека Трајанов кој управувал со едното возило не е повреден.Автомобилот „шкода“ со којшто управувал Трајанов, во близина на мостот на Водисирска Река се судрил со автомобил „фиат пунто“. Како што објави партијата на Фејсбук страницата, несреќата се случила додека „шкодата“ се движела на десната страна на автопатот Скопје -Гевгелија. Во исто време од спротивната страна имало колона од автомобили и товарни возила, при што во обид да престигне, на полна линија, возачот со „фиат пунто“, преминал на левата страна од коловозот и директно удрил во „шкодата“.Во несреќата со тешки повреди се здобиле двајца сопатници од „фиат пунтото“ од Кочани, кои по укажаната лекарска помош во Медицинскиот центар во Неготино, се префрлени во Клиничкиот центар во Скопје. Трајанов и сопатникот во „шкодата“ се префрлени во Медицинскиот центар во Велес, каде се констатирани телесни повреди кај сопатникот, а кај возачот не се констатирани повреди. Увид на местото на настанот извршила увидна екипа од ПС-Валандово./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Детали за кражбата на сефот во скопско Црниче: 23-годишник е еден од осомничените
Основното јавно обвинителство Скопје поведе постапка против 23-годишник осомничен за кривично дело тешка кражба од член 236 став 1 точка 1 од Кривичниот законик.
Ноќта меѓу 31 март и 1 април, осомничениот, заедно со уште три лица, провалил во затворен маркет на улицата Востаничка во Скопје, одзеле метален сеф во вредност од 12.000 денари, дневен промет во износ од 228.000 денари и цигари вредни 45.000 денари, или сѐ во вкупна вредност од 285.000 денари.
Со возило пристигнале пред маркетот, со употреба на погоден алат – хебла, клешти и друго дејствувале врз влезната врата од маркетот, но не успеале да ја отворат. Еден од сторителите го стартувал возилото и удрил со задниот дел кршејќи ги двете лизгачки врати. Потоа тој и другите осомничени ги демонтирале и ги поставиле покрај влезот од маркетот. Преку така направениот отвор, сега осомничениот, заедно со другите лица, влегол во просторијата наменета за вработените, од каде што ги одзеле металниот сеф со дневен промет и цигарите, па заминале во непознат правец.
Бидејќи постојат околности што очигледно укажуваат на опасност од бегство, јавниот обвинител до судијата на претходна постапка од Основниот кривичен суд Скопје достави предлог за определување мерка притвор на осомничениот. Полицијата соопшти дека работи на откривање на неговите соучесници.
Црна хроника
Казни за 153 возачи во Скопје
Секторот за внатрешни работи Скопје во текот на вчерашниот ден (18.04.2024) продолжи со контролите во областа на сообраќајот.
На територија на град Скопје изречени се вкупно 153 мерки, меѓу кои за возење повеќе од дозволената брзина 28 санкции, 13 мерки за возење без возачка дозвола, 13 санкции за прекршоци што ги прават возачите на мотоцикл, девет мерки за користење мобилен телефон при возење.
Сообраќајните контроли продолжуваат и во наредните денови, најави МВР и апелира до граѓаните да ги почитуваат сообраќајните правила и прописи за посигурни патишта.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.