Црна хроника
Еден се самозапалил, еден прегазен од трактор, двајца најдени починати дома
Во саботата еден човек бил прегазен од неговиот трактор, по што починал, еден се самозапалил, додека двајца други еден маж и една жена, најдени се починати, соопшти полицијата.
Имено, во саботата околу 10.30 часот во село Вешје-неготинско Ѓорѓи М. (54) кој со својата сопруга се спремале за извршување на земјоделски работи, во еден момент застанал до тракторот и кога се обидел да го стартува, тракторот почнал да се движи, а истиот обидувајќи се да се качи на тракторот паднал, по што бил прегазен.
Увид извршила увидна екипа од ПС-Неготино, а од страна на лекар од итната медицинска помош констатирана била смрт. Телото на починатиот било предадено на фамилијата за погреб.
Исто така во саботата. околу 14,20 часот во полициска станица „Чаир“, од екипа на брзата помош било пријавено дека во село Волково Ж.У.(54) од Скопје со поливање на непозната течност се самозапалил. Истиот се здобил со изгореници во пределот на главата и телото по што бил префрлен во болницата „Св.Наум Охридски“ за укажување на лекарска помош по што бил задржан за лекување.
Истиот ден, околу 11 часот во Гостивар на ул.„Илинденска“ бб, во поранешните бараки на градежна фирма „Маврово“, во соба, било пронајдено безживотното тело на Велији Ф.(70) од село Врапчиште. Од страна на лекар констатирана била смрт, при што не биле забележани видливи траги на насилство.
Увид на местото на настанот извршиле ЈО и увидна екипа од ПС-Гостивар. По наредба на ЈО, телото на починатиот било предадено за обдукција.
Околу 15 часот, пак, од екипа на итната медицинска помош-Скопје било пријавено дека на ул.„Михаил и Ефтихиј“ во Скопје била пронајдена почината Милица М.(53) која живеела како подстанар. Лекар констатирал смрт без видливи траги на насилство.
Увид на местото на настанот извршила увидна екипа од СВР-Скопје. По наредба на ЈО, телото на почината било предадено на обдукција./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.