Црна хроника
Експлозија близу шахта со гас ги вознемири кумановци
Експлозија на пиротехничко средство фрлено во близина на шахта ги вознемири рано утрото во неделата жителите на Куманово, а од Јавното обвинителство констатираат дека станува збор за кривично дело „предизвикување општа опасност“, соопштија од кумановската полиција.
Експлозија на пиротехничко средство фрлено во близина на шахта ги вознемири рано утрото во неделата жителите на Куманово, а од Јавното обвинителство констатираат дека станува збор за кривично дело „предизвикување општа опасност“, соопштија од кумановската полиција.
Детонацијата се случила околу 4 часот во неделата утрото, а според сознанијата на СВР Куманово станува збор за експлозија од пиротехничко средство, коешто засега непознато лице го фрлил во близина на шахта на булеварот „Октомвриска револуција“, наспроти спроти спортската сала на просторот меѓу пешачките патеки на кејот и патеката на самиот булевар.
Нема повредени лица, но е причинета материјална штета на шахтата сопственост на Јавното претпријатие „Куманово – Гас“.
При увидот што го извршиле, увидна екипа на полицијата и стручни лица од одделот за антитероризам од МВР и јавен обвинител од Основното јавно обвинителство Куманово, констатирано е дека експлозијата настанала на приземниот дел на бетонската шахта од дистрибутивниот гасовод.
Откако непознатиот сторител го фрлил пиротехничко средство во близина на шахтата и при испуштање на дозволено количество гас од шахтата, дошло до експлозијата.
Oд местото на инцидентот се подигнати изгорени остатоци од пиротехничкото средство. СВР Куманово работи на пронаоѓање на сторителот и расчистување на случајот./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Свети Николе, пронајдена дрога
На 19.04.2024 во 12.00 часот во Свети Николе, полициски службеници од Полициската станица Свети Николе ги лишиле од слобода Д.С.(34) и Д.С.(34), двајцата од Свети Николе. При претрес во нивниот дом, извршен со судска наредба, била пронајдена и одземена марихуана.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Приведен дилер во Охрид, пронајдена дрога
Денеска (20.04.2024) во 00.55 часот во Охрид, полициски службеници од Одделението за недозволена трговија со дрога и оружје при СВР Охрид го лишиле од слобода Б.Н.(33) од Охрид. Откако бил забележан од полициските службеници во неговото возило, тој фрлил кесичка со бела прашкаста материја која била пронајдена и одземена.
Подоцна, со судска наредба, бил извршен и претрес во неговиот дом, при што биле пронајдени и одземени бела прашкаста материја, дигитална вага со остатоци од бела прашкаста материја и други предмети со остатоци од бела прашкаста материја.
Лицето било задржано во полициска станица и по целосно документирање на случајот против него ќе биде поднесена соодветна пријава.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.