Црна хроника
Експлозија во автомеханичарска работилница, уништена работилницата, оштетени автомобили и куќи
Автомеханичарска работилница е целосно уништена, оштетени се два автомобила и 13 куќи во експлозија што се случила во работилница во Свети Николе.
Експлозијата и пожарот настанале при истекување на пропан бутан гас од демонтирана плинска боца од автомобил, а при активирање на компресор кој бил сместен во подрумската просторија. Од експлозијата комплетно е уништена работилницата, целокупната опрема во неа, оштетен e автомобилот на сопственикот на работилницата како и друг автомобил марка „хјундаи туксон“, кое било оставено за поправка. Оштетени се и 13 куќи и помошни простории кои се наоѓаат во непосредна близина. Увид извршил јавен обвинител од Свети Николе и екипа од Министерството за внатрешни работи.Работилницата „Брацоц“ била сопственост на четириесет и три годишен свтиниколчанец, а инцидентот се случил во периодот на изминатите два дена./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.