Црна хроника
Екстрадиран велешанец по кој македонската полиција трагаше повеќе од година
Во Македонија во вторникот е екстрадиран 43-годишниот Павле М. од Велес за кого на 13-ти јуни минатата година беше распишана меѓународна потерница, а на 17-ти мај годинава е уапсен во Грција. Станува збор за лице кое подолго време било вмешано во илегална трговија со дроги и бил предмет на неколку истраги водени од Одделот за сузбивање на организиран и сериозен криминал.
Сега екстрадираниот, уште во текот на 2012 година бил регистриран, во акцијата со којашто беше разбиена меѓународната криминална група составена од македонски државјани која се занимаваше со организирање на транспорти на хероин на релација Македонија до земјите од западна Европа со крајна дестинација во Шпанија, при што на 310ви март 2012 година на граничниот премин „Богородица“ беа запленети 2,460 килограма хероин и беше поднесена кривична пријава против осум лица, членови на групата.Во рамките на оваа група Павле М. бил еден од организаторите на транспортот на хероинот, за што му е поднесена кривична пријава и во отсуство на 29-ти април 2013 година е осуден на казна затвор во траење од 10 години за извршено кривично дело – “недозволено производство и пуштање во промет на наркотични дроги и психотропни супстанци и прекурзори“.По бегството од Македонија беше недостапен за органите на прогон за што беше распишана меѓународна потерница. Павле М. по бегството од Македонија, престојувал и живеел во бугарскиот град Петрич каде што се стекнал со бугарско државјанство и каде продолжил со криминалните активности поврзани со недозволената трговија со дрога. Во текот на изминатата година Одделот за сузбивање на организиран и сериозен криминал работејќи на сузбивање на организирана криминална група чии членови оперираат и делуваат од територијата на Македонија, Бугарија и Албанија, и беа инволвирани во организирање на транспорти со марихуана, кокаин и хероин заради натамошна продажба, како еден од нејзините членови и организатори го идентификувала велешанецот.Инаку, Павле М. врз основа на кривични пријави во 2009 година за сторени кривични дела од областа на недозволена трговија со дрога, бил осуден на казна затвор од 4 години и 6 месеци./крај/мф/
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Детали за кражбата на сефот во скопско Црниче: 23-годишник е еден од осомничените
Основното јавно обвинителство Скопје поведе постапка против 23-годишник осомничен за кривично дело – Тешка кражба од член 236 став 1 точка 1 од Кривичниот законик.
Ноќта меѓу 31 март и 1 април, осомничениот заедно со уште три лица, провалиле во затворен маркет на улицата „Востаничка“ во Скопје, одзеле метален сеф во вредност од 12.000 денари, дневен промет во износ од 228.000 денари и цигари вредни 45.000 денари, или се во вкупна вредност од 285.000 денари.
Со возило пристигнале пред маркетот, со употреба на погоден алат – хебла, клешти и друго делувале врз влезната врата од маркетот, но не успеале да ја отворат. Еден од сторителите го стартувал возилото и удрил со задниот дел, кршејќи ги двете лизгачки врати. Потоа заедно со останатите осомничени ги демонтирале и ги поставиле покрај влезот од маркетот. Преку така направениот отвор сега осомничениот заедно со другите лица влегол во просторијата наменета за вработени, од каде го одзеле металниот сеф со дневен промет и цигарите, па заминале во непознат правец.
Бидејќи постојат околности што очигледно укажуваат на опасност од бегство, јавниот обвинител до судијата на претходна постапка од Основниот кривичен суд Скопје достави предлог за определување мерка притвор на осомничениот. Полицијата соопшти дека работи на откривање на неговите соучесници.
Црна хроника
Казни за 153 возачи во Скопје
Секторот за внатрешни работи Скопје во текот на вчерашниот ден (18.04.2024) продолжи со контролите во областа на сообраќајот.
На територија на град Скопје изречени се вкупно 153 мерки, меѓу кои за возење повеќе од дозволената брзина 28 санкции, 13 мерки за возење без возачка дозвола, 13 санкции за прекршоци што ги прават возачите на мотоцикл, девет мерки за користење мобилен телефон при возење.
Сообраќајните контроли продолжуваат и во наредните денови, најави МВР и апелира до граѓаните да ги почитуваат сообраќајните правила и прописи за посигурни патишта.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.