Црна хроника
’Естрадни уметнички’ од Албанија нелегално престојувале и работеле во ресторан во Велешта
Естрадни уметнички од Албанија со непријавен престој во земјава биле затекнати во угостителскиот објект „Багдад“ во Велешта од страна на полициски службеници на граничната полиција и регионалниот центар Запад и СВР Охрид, соопштуваат од секторот за Внатрешни работи во Охрид.
На Б.Х. (28) и М.С. (21) од Република Албанија согласно законот за странски државјани им е поднесена прекршочна пријава која предвидува парична казна од 250 евра и забрана за влез во Република Македонија во времетраење од една година.
Двете албански државјанки во угостителски објект „Багдад“ извесно време работеле како естрадни уметнички и имале нелегален престој, соопштуваат од СВР Охрид.
Со тоа, како што велат од Секторот за внатрешни работи на Охрид, двете албански државјанки извршиле злоупотреба на туристичкиот престој во Република Македонија за нелегална работа во земјава./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.