Црна хроника
Фатени четири економски мигранти кои илегално ја минале границата
Полициски службеници во саботата на влез во Гевгелија, при контрола на автобус сопственост на „Руле Турс“ откриле четири лица странски државјани кои илегално пеш ја преминале грчко-македонската граница.
Лицата се приведени во ПС за ГН и ГП„Богородица“–железнички, при што е утврдено дека се работи за лицата В.А.М.(36) од Либан, А.М.(22) од Мароко, А.Х.(40) и Р.М.(22) двајцата од Авганистан.
По извршениот разговор со лицата констатирано е дека на автобуската станица во Гевгелија непознато лице им ветилo превоз до Србија за сума од 400 евра и откако се договориле на лицето му дале 300 евра и мобилен телефон „Самсунг Галакси“, по што тој им извадил автобуски карти и ги оставил на автобуската станица.
По оперативен пат е дознаено дека се работи за лицето М.И.(45) од с.Мрзенци, кој бил повикан да се јави во ПС на информативен разговор, при што кај него е пронајден телефон „Самсунг Галакси“, кој од страна на мигрантите му бил даден во против вредност од 100 евра. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.