Црна хроника
Фатени двајца арамии што оперирале на територијата на Охрид
Охридската полиција поднесе кривична пријава против двајца арамии кои краделе на територијата на Охрид, а ограбиле и две цркви.
Како што соопшти СВР Охрид, поради постоење основи на сомнение за сторени осум казнени дела „тешка кражба“, СВР Охрид поднесе кривична пријава против М.А.(41) од битолското село Велушина и М.С.(53) од струшкото село Ливада.Тие во текот на минатиот месец ограбиле неколку деловни објекти, куќи и станови во Охрид како и две цркви во Косел и Лескоец. На тој начин, М.А. и М.С. се стекнале со противправна имотна корист од 429.900 денари. Во извршувањето на казнените дела, арамиите користеле хебла, клешти, метална ножица за сечење арматура и друг подесен алат со кои ги кршеле бравите и катинарите од влезните врати на неколку земјоделски аптеки, продавници и домови во Охрид. На ист начин насилно влегле во црквата „Св.Илија“ во селата Косел и „Св. Наум“ во Лескоец. Насилно влегувале во внатрешноста на објектите, пребарувале и одземале пари, цигари, колонијална стока, одзеле една хилта, еден агрегат и моторна пила.При крајот на минатиот месец, СВР Охрид кај првопријавениот пронајде метална ножица за сечење арматура, една хебла, а при претрес на автомобил марка „Лада“ сопственост на второпријавениот пронајдени се пластични и платнени нараквици, клешти, хебла, мала секира, и друг алат и подесен прибор. Пронајдените предмети се одземени и предадени на вештачење во Министерството за внатрешни работи во Скопје. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.