Црна хроника
Гостиварец нападнат со остар предмет во дворот на својот дом
Педесетидеветгодишниот гостиварец Р.Ј. е тешко повреден од засега непознато лице кое го нападнало во дворот на неговата куќа во населбата Питарница, во Гостивар.
Како што информира портпаролот на СВР Тетово, Марјан Јосифовски, во вторникот околу 21.15 часот непознато лице му пришло на Р.Ј. и со остар предмет му нанел две расекотини на лицето и вратот и една убодна рана во левата слабина.
„На помош на Р.Ј. веднаш му притрчале најблиските кои биле во куќата и со возило веднаш го пренеле во гостиварската клиничка болница каде што му била извршена хируршка интервенција, а подоцна поради сериозноста на повредите е пренесен на скопските клиники“, вели Јосифовски.
Според првичните информации Р.Ј. е вработен во Државниот универзитет Тетово.
Полицијата заедно со надлежен јавен обвинител извршиле увид на местото на настанот и работат на пронаоѓање на сторителот, утврдување на мотивите за нападот и сите поединости поврзани со случајот. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.