Црна хроника
Гостиварец ограбен за 29.000 евра, а скопски таксист за 3.000 денари
Тешка кражба во Гостивар, вооружен грабеж на таксист во Скопје, и кражба на пиштол од семејна куќа, исто така, во скопска населба, меѓу другото се наведени во билтенот на Министерството за внатрешни работи за изминатото деноноќие.
Во саботата во Гостивар, во населбата „Осма зона“ непознат сторител извршил тешка кражба во куќа сопственост на 32-годишниот А.З., при што од метален сеф одзел сума пари од околу 13.500 евра во разни апоени, како и златен накит во вредност од околу 15.400 евра.
Имено сторителот искористил прилика низ незаклучената врата влегол во куќата, пребарувал ги пронашол наведените работи и откако ги одзел избегал во непознат правец стекнувајќи се со противправна имотна корист од околу 29.000 евра. Увид на лице место извршила увидна екипа од СВР Тетово, чии службеници преземаат мерки за целосно расчистување на случајот.
Во неделата рано утрото околу 5 часот во Скопје, 39-годишниот К.Ѓ. пријави дека непознато лице побарало такси услуга од Трговскиот центар „Капитол“ во населбата Аеродром до населбата Чаир, и кога стигнале на „159“ муштеријата со закана со пиштол му одзел околу 3000 денари по што го напуштил местото на настанот.
Во саботата, исто така, во Скопје, на улицата „Ѓорѓи Поп Христов“ непознат сторител извршил тешка кражба во стан сопственост на 54-годишниот Р.Џ., при што одзел еден пиштол марка „Чешка Зброевка“ калибар 9 м.м. Увид на местото на настанот извршила увидна екипа од СВР-Скопје. Се преземаат мерки за целосно расчистување на случајот. /крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.