Црна хроника
Граѓаните ќе може да пријавуваат кривични дела на интернет
Граѓаните од денеска ќе имаат можност да пријават кривични дела преку интернет страницата на Министерството за внатрешни работи (www.moi.gov.mk), односно електронски да пријават одредено дело, сознание или информација кои се однесуваат на областите на злоупотреба на деца, трговија со луѓе и криминал од омраза, односно повикување на насилство.
Пријавувањето на апликацијата “Црвено Копче“ на кое било од посочените кривични дела не мора да биде само од страна на жртвата, туку и од страна на некој што има какви било сомненија или информации за случајот, и при тоа пријавите може да се доставуваат и анонимно, односно без да се открива идентитетот на пријавителот. Бидејќи станува збор за исклучително сериозно сомненија, секоја намерна злоупотреба на апликацијата ќе биде дополнително истражена и соодветно санкционирана. За секоја од областите апликацијата нуди детални објаснувања за опфатот и описот на кривичните дела, а користењето е максимално поедноставено.
По однос на злоупотребата на деца, апликацијата нуди можност да се пријавуваат конкретни случаи на злоупотреба или случаи на злоупотреба на интернет. Во зависност од пријавеното, информацијата од граѓаните веднаш ќе биде доставена на постапување во соодветната организациска единица на МВР.
Инаку, согласно Законот за правда за децата, дете е секое лице на возраст до 18 години, а децата – жртви уживаат засилена заштита и поддршка и со нив се постапува со почитување на нивното достоинство.
Согласно Кривичниот законик забрането е полови дејствија со дете кое не навршило 14 години, наведување дете на вршење полови дејствија, наведување поттикнување или посредување на дете заради вршење проституција, прикажување порнографски материјал на дете, производство и дистрибуција на детска порнографија, намамување и закажување средба со дете кое не навршило 14 години по пат на компјутерско-комуникациски средства, физичко и психичко малтретирање на дете, запоставување и економско искористување на дете, напуштање на дете со цел негово трајно ослободување, формирање вонбрачна заедница со дете и точење и продавање алкохолни пијалоци на дете.
Во однос пак на пријавувањето на случаи со трговија со луѓе проектот опфаќа повеќе сегменти. Подобрување на системот на идентификација преку изготвување на стандардни оперативни процедури за идентификација и постапување со потенцијални жртви на трговија со луѓе помеѓу илегалните мигранти и изготвување на индикатори за идентификација на жртви на трговија со луѓе и деца по видови на експлоатација. Потоа, воспоставување на централизирана интерна база на податоци за лица жртви и стoрители на трговија со луѓе заради зајакнување на системот за одговор на институциите во случаите на трговија со луѓе и изготвување програма за помош и поддршка при реинтеграција на жртви на трговија со луѓе и деца.
Последниот сегмент од апликацијата „Црвено копче“ се однесува на пријавувањето на криминал од омраза и повикувањето на насилство. Со оглед дека ова е понова област, ги информираме граѓаните дека согласно законите тоа е криминал мотивиран од нетолеранција кон одредени групи во општеството, заснован на предрасуди.
Инаку со воведувањето на можноста за „он-лајн“ пријавување, не престанува досегашната пракса на користење на телефонската линија “192“, односно таа и натаму останува отворено за постојан контакт со граѓаните./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.