Црна хроника
Гром усмрти маж во прилепско, повредена сопругата
Гром удри во брачна двојка, во саботата, во месноста Долно Садово во атарот на селото Беровци.
Гром удри во брачна двојка, во саботата, во месноста Долно Садово во атарот на селото Беровци.
Прилепчанецот Гоце Трајкоски (1960) го загуби животот од удар на гром попладнето во саботата, околу 16 часот, во месноста викана Долно Садово во атарот на селото Беровци.
Трајкоски бил во нива каде што нижеле тутун.
„Најверојатно машината за нижење го привлекла громот. Силното електрично празнење предизвикало изгореници на левиот колк и дел од стомакот, а на стапалата од нозете имал по 5 до 6 излезни рани’ – соопшти д-р Гоце Јонзоски, началник на службата за итна медицинска помош од Прилеп.
Неговата сопруга со повреди од громот е пренесена во болницата во Прилеп./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.