Црна хроника
Хаџиски осуден на 20 години затвор
Миле Хаџиски обвинет за убиството на Мери Јошеска, коешто се случи во 1993 година, е осуден во понеделникот на 20 години затвор.
Обвинетиот ја слушна пресудата без никакви емоции на лицето и никакви реакции.
Судијката во образложението на пресудата рече дека сторителот на убиството е токму Хаџиски и дека со овој случај се докажала народната мудрост „правдата е бавна, ама достижна“.„Со оваа пресуда, покојната Мери Јошеска ќе најде мир, а нејзините најблиски ќе веруваат дека ова е правна држава“, рече судиката Татјана Михајловска.Според неа, овој судски процес и пресудата се случиле откако Хаџиски беше фатен при грабеж во Швајцарија и откако побара екстрадиција во Франција.„Обвинетиот и сам рече дека побарал екстрадиција од Шајцарија во Франција со надеж дека нема да биде екстрадиран како француски државјанин. Тој нема ниту желба, ниту намера да се соочи со правдата. Од него слушнавме само фрази за ковање заговор без никакви докази. Во изминативе 20 години го живее сојот живот по своја желба, а Мери ја немаше таа можност“, рече судијката.На Хаџиски му е продолжен притворот до правосилноста на пресудата, иако неговиот адвокат побара да биде пуштен да се брани од слобода и побара од судијката да одлучува „според закон, а не според чувства“. Хаџиски побара да биде префрлен во затворот „Идризово“ да го издржува притворот.Според адвокатот Стеван Павлески, казната затвор е превисока и во овој случај не биле земени предвид некакви олеснителни околности. Според обвинението, Хаџиски по расправија со Мери почнал да ја дави за вратот толку силно што ѝ ја скршил подјазичната коска, со пепелник ја удрил по главата, а потоа со два ножа ја избодел во пределот на градите, стомакот и црниот дроб.Ја оставил да искрвави до смрт, украл златно синџирче и прстен. Ги избришал трагите од крв на ножевите, едниот бил негов, а другиот, кујнскиот нож, го вратил на место. Се преслекол со позајмена облека и заминал со другар во кафуле. Според обвинението, се обидел дури и да го продаде накитот.За овој случај имаше две судења, на првото судење Хаџиски беше осуден на 15 години затвор, но поради пропусти во постапката судењето беше вратено на повторно судење, а Хаџиски по 90 дена минати во притвор беше ослободен. На повтореното судење, доаѓаше на неколку рочишта, но потоа избега од земјава.На тоа судење беше осуден на 20 години затвор, но исто толку години македонската полиција не можеше да го најде.Откако избега од земјава, се приклучил во Легија на странците во Франција, каде служел 15 години, под друго име Зоран Томовиќ. Хаџиски на минатото рочиште негираше дека бил дел од верска секта и со тоа ги негираше тврдењата во јавноста дека убиството било дел од обред на секта./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Топ
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.