Црна хроника
Идентификувани нови лица меѓу загинатите напаѓачи во Куманово – видео
Косовските власти коишто во петокот спроведуваат акција на претреси во домовите на некои косовски Албанци кои учествувале во судирот со македонските полициски сили минатиот викенд во кумановската Дива населба, според непотврдени информации, идентификувале уште седум лица кои се меѓу загинатите.
Косовските медиуми пренесуваат дека меѓу четиринаесетте терористи кои беа убиени во судирот со македонската полиција минатата сабота, пред да се предадат повеќе од 27 нивни соборци, се идентификувани и Џафер Зумерај, роден 18.05.1972 година, Ваљон Кабаши (14.08.1985), Тургај Гаши (13.04.1978), Арбен Реџај (17.09.1971), Самит Кастриоти (14.12.1975), Хисен Рушити (20.07.1965) и Фатлун Вишесела роден 16.08.1983 година..
Во средата македонското Министерство за внатрешни работи потврди дека во судирот во Куманово убиени се дел од водачите на терористичката група, а идентификацијата направена со помош на скопското биро на Интерпол покажала дека станува збор за Мирсад Ндрецај роден 17.06.1979 година познат како „командант НАТО“, кој важи за еден од лидерите на терористичката група и беше осомничен дека ја предводел групата којашто претходнона 21-ви април ја зазема накусо караулата на граничната полиција кај Гошинце. Меѓу убиените беше идентификуван и Бег Ризај роден 25.12.1977 познат како командант Бегу, а потврден беше и идентитетот и на Нусрет Каљоши роден 18.04.1975 македонски државјанин.
Преку Интерпол утврден беше и идентитетот на Сами Укчини 10.10.1967 од Косово познат како Командант Соколи, кој ѝ се предаде на полицијата.
Полицијата како водачи на групата ги посочи Ндрецај, Соколи, Мухамед Красниќи – Малишева, Бег Ризај Бегу и Деме Шеху – Јунику. Ндрецај и Бегу се меѓу убиените, додека останатите тројца се уапсени.
Во судирот меѓу полицијата и вооружената група во Куманово на 9-ти мај загинаа осум припадници на безбедносните сили и беа најдени 14 тела на припадници на терористичката група./крај/мф/мн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Свети Николе, пронајдена дрога
На 19.04.2024 во 12.00 часот во Свети Николе, полициски службеници од Полициската станица Свети Николе ги лишиле од слобода Д.С.(34) и Д.С.(34), двајцата од Свети Николе. При претрес во нивниот дом, извршен со судска наредба, била пронајдена и одземена марихуана.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Приведен дилер во Охрид, пронајдена дрога
Денеска (20.04.2024) во 00.55 часот во Охрид, полициски службеници од Одделението за недозволена трговија со дрога и оружје при СВР Охрид го лишиле од слобода Б.Н.(33) од Охрид. Откако бил забележан од полициските службеници во неговото возило, тој фрлил кесичка со бела прашкаста материја која била пронајдена и одземена.
Подоцна, со судска наредба, бил извршен и претрес во неговиот дом, при што биле пронајдени и одземени бела прашкаста материја, дигитална вага со остатоци од бела прашкаста материја и други предмети со остатоци од бела прашкаста материја.
Лицето било задржано во полициска станица и по целосно документирање на случајот против него ќе биде поднесена соодветна пријава.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.