Црна хроника
Инфекција причина за смртта на бремената жена на Клиниката за гинекологија?
Тешка инфекција во комбинација со шеста високоризична бременост најверојатно се причините за смртта на 38-годишната бремена жена на Клиниката за гинекологија и акушерство, во неделата.
Тешка инфекција во комбинација со шеста високоризична бременост најверојатно се причините за смртта на 38-годишната бремена жена на Клиниката за гинекологија и акушерство, во неделата.
Како што соопштија од Клиниката, во неделата, во 20.10 часот на ЈЗУ Универзитетска клиника за гинекологија и акушерство – Скопје настапил смртен исход кај пациентка на возраст од 38 години со шеста високоризична бременост која на клиниката е примена истиот ден со констатиран мртов плод во 24 гестациска недела (6-ти месец) со прснат воденик, при што истекуваше гнојна содржина од матката со непријатен мирис, како и сите тешки знаци на инфекција.„Со пациентката е постапено по сите протоколи во вакви тешки случаи, со максимален залог на дежурната екипа на гинеколози и анестезиолози од ГАК, и анестезиолози од Карил, како и на раководниот тим на ГАК кој беше повикан и присутен на клиниката“, се вели во соопштението од Клиниката за гинекологија. Семејството на пациентката било во целост навремено информирано за состојбата на пациентката, но и покрај сите заложби на персоналот, за жал, дошло до смртен исход. „Членовите на комисијата за следење и унапредување на квалитетот за здравствената заштита итно се состана за овој случај со цел да се направи увид во овој случај по што е констатирано дека се испочитувани сите процедури“, се додава во соопштението.Од Клиниката порачуваат да се почека на обдукцискиот наод од релевентните институции како доказ за дефинитивна причина поради која настапила смртта.Во само неколку дена ова е втора бремена жена која го загуби животот. Претходно, во болницата во Гевгелија починаа 32-годишна жена и нејзиниот плод, најверојатно поради лекарска грешка./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.