Црна хроника
Исчезна телохранителот на струшкиот градоначалник
Жител на струшкото село Велешта, Уран Купа (27), вработен во општина Струга како лично обезбедување на градоначалникот Зиадин Села, се води за исчезнат од 6-ти февруари, кога последен пат бил виден во јавност.
Тој попладнето излегол од својот дом со автомобил „Ауди А4“ на прошетка, а последен пат бил виден околу 19.00 ч. на ул. „Ристо Крле“, по што му се губи секаква трага. Случајот во полицијата го пријавил неговиот татко во 1.15 ч. на 7-ми февруари, јавува Охридњус.Градоначалникот на Струга Зиадин Села смета дека неговиот вработен е киднапиран и упати апел до граѓаните да пријават доколку имаат било каква информација која може да помогне да се пронајде Уран Купа и побара од надлежните институции одговор за случајот.„Вечерта кога е случен настанот, во Струга имало полициски службеници во цивил од други места кои вршеле легитимирање без знаење на ПС Струга. Тоа е индикативно и ни става на знаење дека органите за безбедност треба да имаат некакви информации, но за жал нема трага од нашиот вработен, што е доказ дека киднапирањето е извршено од професионалци“, рече Села на прес конференцијата во просториите на општината, на која присуствуваа и членови на семејството на исчезнатиот.Тој изрази сомнеж дека вработениот кој се води за исчезнат можеби е предмет на полициска истрага.„Ако е притворен бараме да ни се каже, доколку некој го прекршил законот треба да одговара, но нема да се толерираат повеќе вакви работи во Струга, затоа што не е прв пат на ваков начин да исчезнуваат луѓе од нашиот град“, рече Села, додавајќи дека за случајот се информирани меѓународните фактори во земјата. Села посочи дека Уран Купа поседувал најсовремен мобилен телефон кој може да се лоцира. Критичната вечер од него тој пратил смс порака до семејството да не му се јавуваат бидејќи бил со луѓе. Но, семејството се сомнева дека тој не ја напишал таа порака, бидејќи никогаш порано не го направил тоа.„Поминаа повеќе од 30 часа од исчезнувањето. Бараме одговор каде е Уран Купа“, рече градоначалникот Села.Од СВР Охрид информираат дека полицијата интензивно работи на решавање на случајот од моментот на пријавување.„Во интерес на СВР Охрид и ПС Струга е да се реши случајот и оттаму сите наши сили и активности се насочени кон пронаоѓање на исчезнатото лице. Не ги коментираме изјавите на градоначалникот Зиадин Села и го повикуваме да соработува со полицијата со цел побрзо да се расветли овој случај“, изјави портпаролот на СВР Охрид Стефан Димовски.Toј истакна дека полицијата ги презела сите потребни мерки за разрешување на случајот кој ја вознемири струшката јавност./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Детали за кражбата на сефот во скопско Црниче: 23-годишник е еден од осомничените
Основното јавно обвинителство Скопје поведе постапка против 23-годишник осомничен за кривично дело тешка кражба од член 236 став 1 точка 1 од Кривичниот законик.
Ноќта меѓу 31 март и 1 април, осомничениот, заедно со уште три лица, провалил во затворен маркет на улицата Востаничка во Скопје, одзеле метален сеф во вредност од 12.000 денари, дневен промет во износ од 228.000 денари и цигари вредни 45.000 денари, или сѐ во вкупна вредност од 285.000 денари.
Со возило пристигнале пред маркетот, со употреба на погоден алат – хебла, клешти и друго дејствувале врз влезната врата од маркетот, но не успеале да ја отворат. Еден од сторителите го стартувал возилото и удрил со задниот дел кршејќи ги двете лизгачки врати. Потоа тој и другите осомничени ги демонтирале и ги поставиле покрај влезот од маркетот. Преку така направениот отвор, сега осомничениот, заедно со другите лица, влегол во просторијата наменета за вработените, од каде што ги одзеле металниот сеф со дневен промет и цигарите, па заминале во непознат правец.
Бидејќи постојат околности што очигледно укажуваат на опасност од бегство, јавниот обвинител до судијата на претходна постапка од Основниот кривичен суд Скопје достави предлог за определување мерка притвор на осомничениот. Полицијата соопшти дека работи на откривање на неговите соучесници.
Црна хроника
Казни за 153 возачи во Скопје
Секторот за внатрешни работи Скопје во текот на вчерашниот ден (18.04.2024) продолжи со контролите во областа на сообраќајот.
На територија на град Скопје изречени се вкупно 153 мерки, меѓу кои за возење повеќе од дозволената брзина 28 санкции, 13 мерки за возење без возачка дозвола, 13 санкции за прекршоци што ги прават возачите на мотоцикл, девет мерки за користење мобилен телефон при возење.
Сообраќајните контроли продолжуваат и во наредните денови, најави МВР и апелира до граѓаните да ги почитуваат сообраќајните правила и прописи за посигурни патишта.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.