Црна хроника
Изгоре автомобил во Скопје, а за палење куќа скопјанец заработи кривична
– (Архивска фотографија)
Во вторникот навечер е запален приватен автомобил, на булеварот „Видое Смилевски Бато“, а скопјанец за опожарување на семејна куќа на улицата „Финска“ доби кривична пријава
Во вторникот навечер е запален приватен автомобил, на булеварот „Видое Смилевски Бато“, а скопјанец за опожарување на семејна куќа на улицата „Финска“ доби кривична пријава
Триесет иседумгодишен скопјанец идентификуван со иницијалите С.Б. од скопската населба Гази Баба, заработи кривична пријава поради „предизвикување општа опасност“. Пријавениот во петокот вечерта откако во алкохолизирана состојба се расправал со мајка му, со запалива течност и отворен оган предизвикал пожар во куќата во којашто се наоѓале неговата сопруга и неговата ќерка. Од страна на судија во претходна постапка на пријавениот му е одредена мерка притвор во траење од 30 дена.
Во вторникот, пак, околу 22.30 часот на булеварот „Видое Смилевски Бато“ во Ново Лисиче запален бил и целосно изгорел автомобил „хјундаи акцент“, сопственост на 42-годишниот Б.Џ. Притоа, сопственикот на возилото се обидел да го изгасне пожарот се здобил со изгореница на дланката. Засега не е познато дали станува збор за подметнат пожар./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд куќа во Берово: уапсен 36-годишен маж
Вчера во 18.40 часот во викенд куќа на ул „Туристичка“ во Берово, полициски службеници од Полициската станица Берово го лишиле од слобода Б.Ч.(36) од Берово.
Тој бил затекнат при извршување на кривично дело „тешка кражба“ од викенд куќата, од каде одзел повеќе предмети.
Бил задржан во полициска станица и во службен разговор признал уште едно кривично дело „тешка кражба“ од друга викенд куќа.
Дел од одземените предмети биле пронајдени и вратени на оштетените граѓани. По комплетирање на случаите, против Б.Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Црна хроника
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.