Црна хроника
Изгоре стан во Скопје, баба доби изгореници
Во саботата вечерта, настанал пожар во стан во Скопје, при што една жена на возраст од 72 години се здобила со изгореници од втор степен на нозете.
Имено, како што соопшти полицијата, во саботата, во 20.45 часот С.М. пријавила дека на бул.„Јане Сандански“ на приземјето настанал пожар во стан.
Од пожарот со изгореници на нозете се здобила Т.З. (72) и со возило на брза помош била пренесена во ГОБ „Св.Наум Охридски“ од каде била пренесена во Ургентниот центар „Мајка Тереза“ каде и биле констатирани изгореници од втор степен на долните екстремитети и била задржана на понатамошно лекување.
Во 22.30 часот, од екипа на пожарната, пожарот е изгаснат. Станот бил целосно опожарен, а како причина за пожарот наведена е експлозија на мала плинска боца за варење кафе. Увид ќе се изврши во недела./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.