Малолетник бил физички нападнат на подрачјето на Центар, откако претходно заедно со другари фрлил  балон наполнет со вода кон лице кое управувало мотоцикл.

Случајот бил пријавен во СВР Скопје на 20 април 2026 година околу 21:00 часот од страна на неговиот татко, М.З. (57) од Скопје. Според пријавата, инцидентот се случил околу 15:15 часот.

Откако балонот го погодил мотоциклистот во задното тркало, тој застанал и почнал да ги брка децата. Го стигнал пријавениот малолетник и физички го нападнал, а потоа се обидел да прегази друго дете, кое успеало да избега.

Од полицијата информираат дека се преземаат мерки за расчистување на случајот.

Во дворот на црква во село Карпино, општина Старо Нагоричане, бил раскопан гроб со назнака на културно наследство.

Како што информираат од СВР Куманово, настанот бил пријавен на 20 април 2026 година околу 18:10 часот, при што била искршена и извадена плочата од гробното место.

Полициски екипи извршиле увид на местото и се преземаат мерки за расчистување на случајот.

При претрес во Скопје, полицијата пронајде дрога и насади со канабис, а уапсено е едно лице.

Според информациите на МВР, вчера во Скопје, на подрачје на општина Аеродром, полициски службеници од СВР Скопје го лишија од слобода В.В. (50) од Скопје.

При извршен претрес во неговиот дом, по претходно добиена судска наредба, пронајдени и одземени се 41 саксии со насади од канабис, прашкаста материја, марихуана, капсули, рефлектори, канти за одгледување на растенијата итн.

По документирање на случајот, против В.В. ќе биде поднесена соодветна кривична пријава.