Црна хроника
Изминатата недела во Скопје санкционирани 991 возач
Секретаријатот за внатрешни работи – Скопје изминатата седмица спроведе зајакнати контроли на подрачјето на Скопје и од страна на сообраќајната полиција санкционирани се вкупно 991 учесник во сообраќајот за сторени прекршоци од Законот за безбедност на сообраќајот.
Кај 39 возачи е утврдено дека управувале возила под дејство на алкохол, потоа 91 лице управувале возила со измината важност на сообраќајната дозвола, без возачка дозвола управувале 56 возачи, a кај 17 лица е утврден сообраќаен прекршок за поминување на црвено светло.
Исто така, 62 возачи управувале возила со над дозволената брзина, 34 возачи управувале возило со над 90 км на час во населено место, а изречени се 39 прекршоци за некористење на сигурносен појас, 35 прекршоци за зборување на мобилен телефон, потоа 29 прекршоци за паркирање во зона на крстосница, автобуска постојка и пешачки премин.
Покрај ова изречени се 363 прекршоци за неправилно и непрописно паркирање, за недавање на првенство на минување на пешаци изречени се пет прекршоци, за непрописно престројување изречени се осум прекршоци, за прекршоци што ги чинат пешаците изречени се 89 прекршоци, за непрописно престигнување изречени се 18 прекршоци, за недавање првенство на минување изрешени се два прекршока а со пајак возило подигнати се вкупно 334 возила.
Од страна на Отсекот за превенција при Единицата за Безбедност при сообраќајот при СВР – Скопје на во текот на минатата седмица во Полициската станица „Гази Баба“спроведена е сообраќајна поука за учесниците во сообраќајот што направиле прекршоци по разни основи: управување на возило со над дозволената брзина, некористење на сигурносен појас, користење на мобилен телефон при управување на возило, прекршоци што ги чинат пешаците и други прекршоци. Од поканети 47 прекршители присуствувале 36 прекршители.
Најавено е дека СВР – Скопје и натаму ќе продолжи со зајакнати сообраќајни контроли по однос на прекршоци кои доведуваат до сообраќајни незгоди и апелира до граѓаните да ги почитуваат сообраќајните правила и прописи со цел да се намалат сообраќајните незгоди./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.