Црна хроника
Ја ограбиле, ја киднапирале и десетина дена ја силувале
Двајца браќа од село Герман, кај Ранковце, киднапирале 25-годишна жена, ја ограбиле и ја силувале речиси две недели.
Имено, СВР Куманово поднесе кривична пријава против Б.С. (25) и Б.С.(32), двајцата од село Герман, општина Ранковце, поради постоење основи на сомнение за сторени две кривични дела „противправно лишување од слобода“ и „силување“. Тие, во периодот од 9.12.2015 година до 21.12.2015 година во местото викано Гарејци атар на село Герман, Општина Ранковце, противправно држеле 25-годишна жителка на село Нерав во нивната семејна куќа во село Герман, при што ѝ ја ограничиле слободата на движење и, исто така, со закани вршеле полови дејствија. Пријавените, исто така, ја ограбиле оштетената при што и одзеле 500 евра, мобилен телефон, златно синџирче, а ѝ забраниле да комуницира со нејзините малолетни деца и невенчаниот сопруг. Од страна на судија на претходна постапка на пријавените им е одредена мерка притвор во траење од 30 дена./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.