Црна хроника
Јанкулоска: Новогодишната ноќ во Скопје мина со само два инцидента
Новогодишната ноќ во главнито град Скопје мина во мирна атмосфера, со значително помал број пријави споредено со кој и да е друг ден од редовното полициско работење, со само две нарушувања на јавниот ред и мир, од кои едниот е напад врз келнер во угостителски објект а другиот инциедент е тепачка меѓу две лица, оцени во четвртокот министерката за внатрешни работи Гордана Јанкулоска, при нејзината посета Центарот за информации и команди при Секретаријатот за внатрешни работи Скопје.
„Во текот на изминатите 24 часа пријавени се само шест безбедносни настани од кои само два во текот на новогодишната ноќ. Двата настана се целосно расчистени и документирани. Евидентно е дека граѓаните прославуваа мирно и весело ја дочекаа новата 2015 година“, истакна министерката за внатрешни работи Гордана Јанкулоска.
Беше информирана за безбедносната состојба на територијата на Скопје дека во другите четири настани кои се случиле изминатото деноноќие се карактеристични за редовното полициско работење, односно евидентирани се разбојништво, тешка кражба, пријавено е едно исчезнато лице и околу 17 часот се случила една железничка несреќа со жртва.
Јанкулоска ги информираше новинарите и за сублимираните резултаит на територијата на Скопје во текот на 2014 година, при што соопшти дека криминалитетот на подрачјето на главниот град е намален за 24 отсто.
„Во претходниот период состојбите на подрачјето на Скопје се подобрени. Во 2014 година регистрирани се помалку тешки кривични дела, односно 6.521 тешки кривични дела, наспроти 9.696 во претходната 2013 година. Истиот позитивен тренд со намалување на бројката се однесува и на разбојништвата и на неколку други карактеристични кривични дела. Единствено во делот на употребата на дроги има благо зголемување, меѓутоа тоа е тренд кој, за жал. е присутен во сите држави“, рече министерката Јанкулоска./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.
Црна хроника
Кривична пријава против директорот на ЈП „Стрежево“ од Битола: набавил стар ратрак, а го платил како да е нов
Одделот за криминалистичка полиција, по добиената наредба од ОЈО Битола, презеде предистражни дејства и по обезбедената документација и извршен увид во неа, до ОЈО Битола, во координација со СВР Битола, поднесе кривична пријава против М. Г. од Битола, директор на ЈП „Стрежево“ од Битола за кривично дело злоупотреба на службената положба и овластувањето по чл. 353 од КЗ и злоупотреба на постапката за јавен повик, доделување договор за јавна набавка или јавно приватно партнерство од чл. 275-в од КЗ во врска со чл. 22 и против Љ. М. П. од Битола, управител на правно лице од Битола.
Имено, М. Г., знаејќи дека правното лице во текот на 2018 имало набавено тапкач на снег – ратрак, спровел постапка за јавна набавка на ратрак за потребите на ЈП „Стрежево“ од Битола со точно одредени технички карактеристики на потребниот ратрак како тој што го поседувало правното лице од Битола и да не е постар од 1995 година, на кој оглас како најповолен економски оператор понудувач било избрано предметното правно лице од Битола, а Љ. М. П. на конкретниот оглас доставила понуда со невистинити податоци дека ратракот што го нуди е произведен 1995 година, иако знаела и била свесна дека ратракот што го поседувала е произведен 1993 година, по што бил склучен договор со наведеното правно лице на износ од 1.875.967 денари, без ДДВ, иако ратракот бил купен од странство за 414.492 денара, односно тој бил набавен од ЈП „Стрежево“ од Битола за 4,5 пати повисока цена од набавната и за износот од 1.875.967 денари М. Г. го оштетил јавното претпријатие, а Љ. М. П. стекнала противправна имотна корист.
Црна хроника
Мопед излетал од патот, возачот тешко повреден
Вчера, во 13 часот, во Полициската станица Кочани било пријавено дека на улицата Стамен Манов во Кочани, В. Џ. (51) од Кочани, управувајќи мопед со кочански регистарски ознаки, излетал од коловозот.
Во несреќата тешки телесни повреди добил возачот, констатирани во Општата болница во Кочани.
Извршен бил увид од екипа на ОВР Кочани.