Црна хроника
Кавадарчанец за неполни два месеца извршил 19 тешки кражби во Скопје
СВР-Скопје по превземените дополнителни мерки и активности, до надлежното ОЈО поднесе уште две кривични пријави против 21-годишниот О.А. од Кавадарци со привремен престој во Скопје, поради основано сомнение дека извршил уште 19 кривични дела од кои 13 „тешки кражби“ предвидено и казниво по член 236 од КЗ на РМ и шест „тешки кражби во обид“ предвидени и казниви по чл. 236/19 од КЗ на РМ.
Кривичните дела пријавениот ги извршил во временскиот период од 06.12.2015 до средината на јануари годинава, притоа осум извршени преку ден, а 11 во ноќните и во раните утрински часови на подрачјата на Аеродром и Центар при што се здобил со противправна имотна корист од околу 507 илјади денари. Од вкупно 19 кривични дела, осум се извршени во деловни простории, 10 во станови и едно во куќа.
Кривичните дела тешки кражби во деловните објекти О.А. ги извршувал на тој начин што со употреба на метална хебла насилно ги кршел влезните врати, а додека пак тешките кражби во становите и куќата ги извршувал на тој начин што со удар со нога насилно ги отворал влезните врати, влегувал внатре вршел претурање и пребарување по собите при што одземал разни предмети: златен накит, техничка стока (лап-топ компјутери, таблети, телевизори, мобилни телефони, фото апарати) и други вредни предмети. Украдениот златен накит го продавал во златара во центарот на Скопје, дел од украдената техничката стока ја продавал на дивиот пазар на Кале а додека пак дел ја заменувал за наркотична дрога марихуана.
Пријавениот е и претходно познат сторител на кривични дела од областа на имотните деликти за што од страна на СВР Скопје во временскиот период од 2009 до 2015 година поднесени му се 41 кривична пријава. Исто така пријавениот поседува досие во Гостивар, Струга и Охрид./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.