Црна хроника
Казни за убиството на Мевљана за да не биде убиено друго дете
Заштитата на детето е највисоко на пиедесталот во секое современо општество и никој нема право независно дали за тоа постои причина да посегнува по животот на детето.
Обвинетите да се прогласат за виновни и заслужуваат прекор од репресивните институции што ќе испрати порака дека вакво дело не треба да се повтори, рече во вторникот Јавниот обвинител, Дарко Јакимовски, во завршниот збор за убиството на тригодишната Мевљана која пред една година беше претепана до смрт додека нејзината мајка била на работа.За обвинителот секој доказ во овој случај покажува дека Џемаил Браими и неговата вонбрачна сопруга Јасмина Махмуд, го убиле девојчето, додека двајцата обвинети и денеска тврдеа дека девојчето паднало по скали.„Ние не го направивме тоа, не сме сториле ништо таков. И јас сум татко на четири деца и знам каква е болката за своето дете“, рече Браими. „Ако го тепавме девојчето, ќе ги тепавме и нашите деца. За да го направам тоа, треба да сум будала и ментална, јас фала му на Господ сум здрава“, рече вонбрачната сопруга на Браими, Јасмина Махмуд.Но овие нивни тврдења ги оспори обвинителот со сведочењата на мајката на убиеното девојче, сведоците, исказите на децата кои во моментот на убиството биле во домот, како и со вештачењата на судска медицина кои покажале дека девојчето било претепано до смрт.Вистината на мајката, Садие Саитова, што точно се случило минатата година на 21-ви март и’ ја кажал нејзиниот син и брат на Мевљана кој бил, исто така, во куќата. Соседите кои ги чувале нејзините деца додека била на работа и’ се јавиле и и’ кажала дека девојчето паднало во несвест и побарале веднаш да дојде. Но, братчето и’ раскажало дека Џемаил и Јасмина ја тепале малата Мевљана, а на другите деца им рекле да се пикнат под ќебе. Едно до децата сведоци, дете на Јасмина Махмуд, на психијатрите кои разговарале со него, им признало дека Мевљана ја тепале со тупаници и клоци по главата, телото и задникот, бидејќи се измокрила на тепихот.Ја прекорувале дека не можат да и’ купуваат повеќе алишта и да ја перат. Обвинетите не сакале да го однесат детето на лекар и ја убедувале мајката да не вика полиција и Брза помош со изговор дека ќе има проблеми, бидејќи девојчето немало никакви документи. Полиција и Брза помош викнал пријателот на Садие кој дошол со неа во домот на обвинетите. Повредите на телото на телото на девојчето биле испишани на две страници на извештајот од Институтот за судска медицина. Главни повреди кои довеле до трауматски шок биле повредите на мозочната обвивка, стомакот, ребрата на девојчето биле скршени од двете страни, а имало повреди и на дебелото црево. Вештачењето покажало дека девојчето било тепано со тупаници, клоци, притискање со нога, а на вратот имало и знаци на давање. Во завршните зборови, јавниот обвинител се осврна и на односот на мајката кон девојчето.„Несфатливо е мајката да не знае кога го родила своето дете и тоа да се докажува со вештачење. Тоа што до денес децата немаат никакви документи зборува за односот на родителот, независно од тоа што фантомите се социолошки проблем во општествово. Непоимливо е мајката која спиела со своето дете да не забележи дека детето и претходно било тепано и имало скршеници на телото од пред две седмици пред трагедијата“, рече Јакимовски. Адвокатот на обвинетите Драган Деспотовски, пак, во одбрана на обвинетите го потенцираше доказот којшто го доставиле, мислење од технички советник , лекар кој тврдел дека причината за смртта на девојчето не било трауматски шок, туку дека девојчето паднало од скали. „Се работи за несреќен случај“, рече Деспотовски.Пред неколку дена измина точно една година од смртта на малечката Мевљана. Нејзината мајка побара обвинетите да бидат во затвор додека се живи. Пресудата за овој случај е закажана за на 27-ми март./крај/мф/ффс
Извор: Фото:Телеграф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Тешка сообраќајна несреќа во Кичево – три млади лица го загубија животот, има и тешко повредени
Утрово во 4.50 часот на улицата Магистрален пат во Кичево се случила сообраќајна несреќа помеѓу патничко возило „пежо“ со кичевски регистарски ознаки, управувано од С.И.(19) од Кичево и патничко возило „фолксваген голф“ со кичевски регистарски ознаки, управувано од К.Е.(32) од кичевското село Трапчин Дол.
Од здобиените повреди на местото на несреќата починале возачот К.Е. и неговиот сопатник А.С.(20) од село Трапчин Дол, додека возачот С.И. им подлегнал на повредите на пат кон Комплекот клиники „Мајка Тереза“ во Скопје, велат од СВР Охрид.
Со тешки телесни повреди, констатирани во болницата „Св.Еразмо“ во Охрид и во Комплекс клиники „Мајка Тереза“, се здобиле 19-годишната Т.С. од Кичево, В.П.(21) од селото Подвис, кичевско, П.К.(21) од Кичево и еден малолетник од Кичево, сите сопатници во возилото „пежо“.
На местото на несреќата увид извршиле јавен обвинител и полициски екипи. По наредба на јавен обвинител, телата на починатите се дадени на обдукција.
Црна хроника
Уапсени пет лица од Гостиварско, украле добиток и го продале
Полициски службеници на СВР Тетово-Полициско одделение Галате, вчера во 16 часот и 15 минути и 19 часот и 30 минути ги лишиле од слобода: 23-годишниот Е.Ф., 18-годишниот Ј.М., 27-годишниот Е.А., 18-годишниот А.Д. и 32-годишниот И.Ф., сите од гостиварски Добридол, извести СВР Тетово.
„Тие се сомничат дека во периодот од 23.03. до 28.03.2024 од штала сопственост на 38-годишниот С.М. од истото село, противправно одзеле добиток и потоа го продале на друго лице од тетовско“, соопшти СВР Тетово.
Задржани се во Полициската станица Гостивар и по целосно расчистување и документирање на случајот ќе им бидат изготвени соодветни поднесоци.
Црна хроника
Две лица од Тетовско измамени за 11 илјади евра: Албанец им ветил дека ќе им отвори фирма во Дубаи, ниту отворил ниту му ги вратил парите
Педесет и седумгодишен жител на тетовско село, вчера, во 14.40 часот, во СВР Тетово пријавил дека 58-годишниот М. М. од Република Албанија во текот на минатиот месец нему и на уште едно лице им ветил дека ќе им отвори фирма во Дубаи, а за возврат тие во три наврата му платиле вкупно 11 илјади евра, извести СВР Тетово.
„Но, ниту фирмата им била отворена ниту парите им ги вратил по што сфатиле дека се измамени“, соопшти СВР Тетово.
Се преземаат мерки за расчистување и документирање на случајот.