Црна хроника
Кежаровски: Текстовите немаа цел да откријат нечиј идентитет, туку нечии валкани игри
Новинарските текстови што ги пишував апсолутно немаа за цел да откријат ничиј идентитет, туку да откријат нeчии валкани игри, рече новинарот Томислав Кежаровски на денешната јавна седница во Апелациониот суд кој во петокот цел ден расправаше по жалбите на обвинетите во случајот „Ликвидација“.
Новинарските текстови што ги пишував апсолутно немаа за цел да откријат ничиј идентитет, туку да откријат нeчии валкани игри, рече новинарот Томислав Кежаровски на денешната јавна седница во Апелациониот суд кој во петокот цел ден расправаше по жалбите на обвинетите во случајот „Ликвидација“.
Тој побара укинување на притворот, како и укинување на затворската казна. Кежаровски доби 4,5 години затвор за откривање на идентитетот на заштитениот сведок во случајот „Ореше“, а според него, многумина за прегазување луѓе поминале многу полесно.Во случајот „Ликвидација“ беа обвинети и судии адвокати и обвинители. Второстепениот суд сега треба да одлучи дали ќе ја оспори одлуката на првостепениот суд./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.