Црна хроника
Колегите и адвокатите очекуваат ослободителна пресуда за Кежаровски
Иницијативниот одбор за ослободување на новинарот Томислав Кежаровски и дел од адвокатите на обвинетите во случајот „Ликвидација“ очекуваат жалбениот суд да донесе ослободителна пресуда за сите обвинети.
„Ја очекуваме единствената можна пресуда – ослободителна, односно Судот да го пушти од домашен притвор и да го ослободи Томислав Кежаровски“, изјави Тамара Чаусидис , од Иницијативниот одбор за ослободување на новинарот на весникот Нова Македонија.
Јован Јоанидис, адвокатот на обвинетиот Борис Николов, исто така, очекува второстепениот суд во Скопје да однесе ослободителна пресуда за неговиот клиент. Изјави дека „судскиот совет е добро избран“ и смета дека врз него не се вршеле никакви политички притисоци, „особено не по извештоајот на Европската комисија.
Според Јоанидис, делото за коешто се товарат Борис Николов и уште тројца обвинети – „незаконско посредување“сега е веќе декриминализирано и оти Судот ќе мора да донесе ослободителна пресуда за нив.
Досега во судница каде што судот расправа по жалбите на обвинетите во случајот „Ликвидација“ се читаше пресудата, а во моментов се очекува адвокатите на обвинетите , а потоа и самите обвинети, да дадат исказ пред судот, јавува репортерот на Макфакс од Апелациониот суд Скопје.
Апелациониот суд во Скопје во петок на Јавна седница веќе неколку часа ги разгледува жалбите на осудените во случајот „Ликвидација во којшто му се суди на новинарот на весникот Нова Македонија, Томислав Кежаровски, судии, обвинители, адвокати“
Кежаровски е во домашен притвор сè до правосилноста на пресудата за случајот. Кривичниот суд го осуди новинарот на 4,6 години затвор за откривање на идентитетот на заштитениот сведок во случајот Ореше.
Иницијативниот одбор за ослободување на Кежаровски во средата во 12.05 положи цвеќе на плоштадот „Карпошово востание“ во знак на сеќавање на протестите на новинарите кои се одржаа минатата година кога полициските сили ги спречија да одржат мирен протест пред Музејот на македонската борба.
Ослободување на Кежаровски побараа и Меѓународната федерација на новинари (IFJ) и Европската федерација на новинари./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Артилериска граната од Првата светска војна пронајдена во Битолско
Вчера во 08.47 часот во СВР Битола, В.К. пријавила дека при извршување работи на нива во село Драгожани, битолско, била пронајдена стара граната, извести МВР.
„Пиротехничар од Дирекцијата за заштита и спасување Битола безбедно ја подигнал гранатата и констатирал дека се работи за артилериска граната од Првата светска војна со калибар 75мм“, соопшти МВР.
Топ
Тешка сообраќајна несреќа во Кичево – три млади лица го загубија животот, има и тешко повредени
Утрово во 4.50 часот на улицата Магистрален пат во Кичево се случила сообраќајна несреќа помеѓу патничко возило „пежо“ со кичевски регистарски ознаки, управувано од С.И.(19) од Кичево и патничко возило „фолксваген голф“ со кичевски регистарски ознаки, управувано од К.Е.(32) од кичевското село Трапчин Дол.
Од здобиените повреди на местото на несреќата починале возачот К.Е. и неговиот сопатник А.С.(20) од село Трапчин Дол, додека возачот С.И. им подлегнал на повредите на пат кон Комплекот клиники „Мајка Тереза“ во Скопје, велат од СВР Охрид.
Со тешки телесни повреди, констатирани во болницата „Св.Еразмо“ во Охрид и во Комплекс клиники „Мајка Тереза“, се здобиле 19-годишната Т.С. од Кичево, В.П.(21) од селото Подвис, кичевско, П.К.(21) од Кичево и еден малолетник од Кичево, сите сопатници во возилото „пежо“.
На местото на несреќата увид извршиле јавен обвинител и полициски екипи. По наредба на јавен обвинител, телата на починатите се дадени на обдукција.
Црна хроника
Уапсени пет лица од Гостиварско, украле добиток и го продале
Полициски службеници на СВР Тетово-Полициско одделение Галате, вчера во 16 часот и 15 минути и 19 часот и 30 минути ги лишиле од слобода: 23-годишниот Е.Ф., 18-годишниот Ј.М., 27-годишниот Е.А., 18-годишниот А.Д. и 32-годишниот И.Ф., сите од гостиварски Добридол, извести СВР Тетово.
„Тие се сомничат дека во периодот од 23.03. до 28.03.2024 од штала сопственост на 38-годишниот С.М. од истото село, противправно одзеле добиток и потоа го продале на друго лице од тетовско“, соопшти СВР Тетово.
Задржани се во Полициската станица Гостивар и по целосно расчистување и документирање на случајот ќе им бидат изготвени соодветни поднесоци.