Црна хроника
Контроли во авто-отпади, изречени глоби во висина од 12.000 евра, одземени 82 возила
Кумановската полиција заедно со Државниот пазарен инспекторат и мобилната царинска единица изврши контрола на девет авто-отпади лоцирани на подрачјето на Куманово.
При контролата констатирани се неправилности во шест авто-отпади и тоа по основ на прекршоци согласно Закон за трговија и поради непоседување на соодветна документација за возилата. Во два случаи авто-отпади не биле регистрирани за вршење дејност, односно не биле регистрирани во Централниот регистер.Државниот пазарен инспекторат издаде платни налози и покани за наплата на глоба во вкупен износ од 12.000 евра, како и едно решение за забрана на вршење на дејност во траење од 30 дена, при што од сопствениците со потврди за привремено одземени предмети се одземени вкупно 82 возила и 52 регистерски таблички издадени во Македонија, кои ќе бидат предмет на понатамошна работа за што ќе следат соодветни поднесоци./крај/мвр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.