Црна хроника
Кражба во поранешното детско одморалиште во Претор, вработениот нападнат
Група крадци го ограбиле подрумот на поранешното детско одморалиште „Мите Богоевски“ во туристичката населба Претор, во ресенско и го нападнале вработениот кој се обидел да ги спречи.
Крадците дошле во објектот со две возила во средата околу пладне, насилно влегле во подрумот и со употреба на алат демонтирале делови од трансформаторот, како и други метални и бакарни делови и предмети кои ги нашле. Вработениот се обидел да ги спречи, но бил нападнат, му биле нанесени телесни повреди, а му биле украдени и два мобилни телефона. Крадците кои дошле од Битола, избегале, но набргу биле фатени дел од нив. Тројца биле фатени додека се превезувале во „лада караван“, а по уште двајца сè уште се трага. Возилото со кое се превезувале останатите двајца сторители било излетано од коловозот, но лицата не биле најдени. Увид на местата извршила екипа од ПС Ресен и по целосно документирање на настанот, против сторителите ќе биде поднесена соодветна пријава. /крај/со/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.