Црна хроника
Кражба во болница во Гостивар: украден паричник, потоа подигнати над 40.000 денари од банкомат
Надворешната канцеларија за криминалистички работи Гостивар поднесе кривична пријава против 70-годишниот С.Х. од Тетово, поради постоење основи на сомнение за сторени кривични дела „кражба“ и „навлегување во компјутерски систем“.
Според полицијата, на 11 ноември 2025 година, во Општата болница во Гостивар, пријавениот одзел паричник од И.П. (69), во кој имало 15.000 денари, лични документи и банкарска картичка.
По кражбата, како што се наведува, тој подоцна ја злоупотребил банкарската картичка и од банкомат на банка во Тетово во два наврата подигнал 41.600 денари. Со тоа, на оштетената ѝ била нанесена вкупна материјална штета од 56.600 денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Двајца работници тешко повредени во одделни несреќи на работните места
Двајца 51-годишни мажи се здобиле со тешки телесни повреди во одделни несреќи што се случиле при извршување работни задачи во пробиштипско и скопско.
Како што информира МВР, во 16:45 часот во ОВР Пробиштип било пријавено од Итната медицинска помош дека кај нив бил донесен Г.С. (51) од селото Соколарци, општина Чешиново-Облешево. Според пријавеното, тој се повредил додека извршувал работни задачи во рудник во пробиштипско.
Истиот ден, во 17:04 часот, од Ургентниот центар при Комплексот клиники „Мајка Тереза“ во Скопје било пријавено дека кај нив со тешки телесни повреди бил донесен В.М. (51) од селото Батинци. Според информациите, тој се здобил со повредите при извршување работни задачи за приватна фирма во селото Сопиште.
Во двата случаи бил извршен увид од полициски екипи, а за несреќата во Сопиште бил известен и трудов инспектор.
Црна хроника
Две лица запалиле стари класери во објект на поранешен комбинат во Штип
Жител на Штип пријавил во полиција дека две лица предизвикале пожар во една од подрумските простории на зградата на поранешниот комбинат ЗИК „Црвена Ѕвезда“.
Според информациите од МВР, лицата запалиле стари класери, по што го напуштиле местото на настанот.
Во пожарот нема повредени лица, а интервенирала екипа на Територијалната противпожарна единица Штип, која успеала да го изгасне огнот.
Полицијата презема мерки за расчистување на случајот и утврдување на сите околности.
Црна хроника
Скопјанец грабнат среде бел ден и однесен на автоплац во Карпош, па во Шишево – тешко повреден
Триесет и шестгодишен жител на скопско пријавил во полиција дека бил физички нападнат, а потоа и грабнат и однесен на друга локација.
Според информациите од МВР, Д.Е. пријавил дека околу 14 часот на подрачјето на Карпош, додека се движел со возило „мерцедес“, бил пресретнат од три патнички возила.
Како што навел во пријавата, едно од лицата, Р.Б., физички го нападнало и му нанело тешки телесни повреди. Потоа, според неговото тврдење, бил внесен во едно од возилата и однесен најпрво на автоплац во Карпош, а потоа бил оставен во селото Шишево.
Од МВР информираат дека се преземаат мерки за целосно расчистување на случајот.
