Црна хроника
Криумчарел амфетамини во чорапи
Македонските цариници спречиле обид за шверц на амфетамини на граничниот премин Табановце.
Како што соопшти Царината, во неделата околу 22:00 часот, на граничниот премин Табановце за влез во Република Македонија се пријавило патничко моторно возило со македонски регистарски таблички управувано од македонски државјанин. При претрес на патничкото моторно возило, во патна торба оставена на задното седиште од возилото во долна тренерка пронајдени се два црни чорапи наполнети со непозната густа материја со бела боја. Чорапите биле сокриени во двете ногавици од тренерката, поточно во поставата која потоа била рачно сошиена со конец.
По преземање на случајот од страна на инспекторите од Одделението за истраги при Царинската управа, во координација со Основното јавно обвинителство – Куманово, веднаш се преземени активности согласно овластувањата во рамките на правосудната полиција, заради утврдување на сите факти и докази во врска со кривичното дело.
Од спроведените предистражни мерки и активности, утврдено е дека непознатата материја, со вкупна тежина од 191,67 грама, преставува психотропна супстанција, стимуланс на централниот нервен систем – амфетамин кој е класифициран во листата на забранети опојни дроги и психотропни супстанции.
Покрај лицето кое го управувало возилото, за кривичното дело осомничено е уште едно лице државјанин на Република Македонија. Двете осомничени лица по претходен договор се сретнале во градот Бремен, Германија каде организаторот на транспортот му ја дал патната торба на возачот на автомобилот во која биле сокриени двете пакувања со амфетамин. Возачот, требало да ја пренесе торбата со амфетамин во Република Македонија за одреден паричен надомест.
Против двајцата е поднесена кривична пријава. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.