Црна хроника
Кривична пријава против член на обезбедувањето на Заев за инцидентот со Амди Бајрам
Министерството за внатрешни работи поднесе кривична пријава против член на обезбедувањето на лидерот на СДСМ, Зоран Заев за инцидентот којшто го пријавил во средата попладне пратеникот и лидер на Сојузот на Ромите на Македонија, Амди Бајрам.
Амди Бајрам за медиумите тврдеше дека член на обезбдувањето на Заев му се заканувал, а од СДСМ инцидентот го толкуваат како обид за провокација за физичка пресметка.Бајрам тврдеше дека човек кој му се претставил дека е обезбедување на Заев му се заканувал по животот, па тој завршил на Клиниката за кардиологија.Според Министерството за внатрешни работи, инцидентот се случил во четвртокот околу 15.30 часот пред управната зграда во ГТЦ. На Амди Бајрам му се приближил дваесет и деветгодишен струмичанец и почнал да го навредува.Полицајци од СВР Скопје разговарале со инволвираните во инцидентот, а потоа извршен е претрес во автомобилот „шкода октавија“ во сопственост на обезбедувачот на Заев. Во автомобилот биле најдени два ножа на расклопување, една палка на расклопување и еден заштитен елек. Против струмичанецот поднесена е пријава за нарушен јавен ред и мир. Од страна на СВР-Скопје до Основното Јавно Обвинителство проследен е предметот на натамошно постапување.„Политичката партија СДСМ нема мандат, ниту овластување да говори во име на Министерството за внатрешни работи“ се вели во соопштението од МВР.Социјалдемократскиот сојзу синоќа пак излезе со писмено соопштение во кое се вели дека премиерот Никола Груевски и министерката за внатрешни работи Гордана Јанкулоска не избираат средства во обидите да го дефокусираат вниманието од криминалите и изборните фалсификати во коишто се фатени.„Уште еднаш се потврди дека МВР и Амди Бајрам се класични инструменти во рацете на Никола Груевски кога тоа ќе затреба. Врв на очај е драмата што ја прават вечерва, преку Амди Бајрам, кој наводно бил физички нападнат, па дури и поради тоа завршил на Кардиологија. Во продавница за фармерки во ГТЦ, Амди Бајрам и наш член и активист имале вербална расправија. На нервозната реакција на обезбедувањето на Амди Бајрам, што го толкуваме како обид за провокација физичка пресметка, не било возвратено од страна на членот на СДСМ. Немало никаков физички контакт меѓу членот на СДСМ и Амди Бајрам!“ се вели во соопштението на СДСМСпоред СДСМ, двајца обезбедувачи на Амди Бајрам и тројца од обезбедувањето на ГТЦ се нафрлиле на нивниот член. „Апелираме да престанат обидите за провокации и користењето марионети, како Амди Бајрам, коишто не можат да ги засенат огромните скандали во коишто е инволвирана тесната група на власт“ додаваат од СДСМ./крај/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.