Црна хроника
Кривична пријава за екс директор во ЈП „Нискоградба“ Охрид
Охридската полиција поднесе кривична пријава против поранешниот директор на ЈП „Нискоградба“ Охрид и против раководителот во Одделението за комунален развој во Општина Охрид за злоупотреба на службената положба и овластување.
Директорот без склучен писмен договор за изведување на водоводни линии или инсталации, без добиена потребна документација и без извршен надзор од порачувачот “Проаква“ Струга одобрил „Нискоградба “ Охрид како изведувач, во 2011 година во Охрид да започне и за потребите на порачувачот да изведе реконструкција на гравитациона водоводна линија Ф 450 од бензинска пумпа „Макпетрол“ до каптажа „Бејбунар“.Раководителот во Одделението за комунален развој во Општина Охрид, со неизвршување на својата службена должност, без да прибави потребна градежна и правна документација – проекти, одлуки, пресметки и друга неопходна документација,на 16 јули 2011година изготвил, потпишал, заверил и до „Нискоградба“ доставил налог за работа за реконструкција на истата водовод- на линија на потег „Бејбунар“. Тоа го направил иако знаел дека работните ангажмани на истата линија од ЈП „Нискоградба“ веќе биле започнати предходно пред три и пол месеци без склучен писмен договор помеѓу порачателот и изведувачот. На овај начин осомничените му нанеле значителна штета на „Нискоградба“ кое реконструирало – изградило гравитациона линија за која од 2011 година од ЈП„Проаква“ и од Општина Охрид неможела да го наплати својот работен ангажман и вграден материјал во износ од 11.323.836 денари односно околу 182.000 евра. Штетата по јавното претпријатие се согледува и од дополнителното водење на судски спорови и трошоци за наплата на овај износ./крај/мф
Извор: Фото: Охридњус
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.