Црна хроника
Кривична пријава за лицето кое го прободи тапанџијата што најавуваше ифтар
Струшката полиција поднесе кривична пријава против педесетгодишен жител на струшкото село Долна Белица за обид за убиство на тапанаџијата кој беше прободен со нож додека најавувал ифтар.
Инцидентот се случи на 7 овој месец, на улица „ЈНА“ во Струга, вечерта во 20.30 часот, кога Ф.Р., кој бил пијан, го забележал седумдесет и деветгодишниот тапанџија кој со тапан најавувал дека е време за вечера според муслиманскиот рамазански пост.Извадил нож и го прободел, при што му нанел расекотина во должина од 16 сантиметри. Полицајците за кратко време го пронашле напаѓачот и при извршено алкотестирање, кај него констатирани се 2,24 промили алкохол во крвта.Жител на Струга за Макфакс, кога се случи инцидентот, изјави дека тапанџијата кој најавувал дека започнува времето за ифтар бил прободен со нож и напаѓачот му го фрлил тапанот во реката Црн Дрим во Струга./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.