Црна хроника
Кривична пријава за жител на Велешта кој му зарил нож во нозете на соселанец
Охридската полиција поднесе кривична пријава за тешка телесна повреда против жител на струшкото село Велешта, кој му зарил нож во нозете на соселанец со кого претходно се карале и тепале.
Инцидентот се случил на 1 мај во центарот на селото додека двајцата соселани се разминувале со возила. Откако ги запреле, дваесет и седумгодишниот жител на Велешта излегол од автомобилот и со нож го нападнал дваесет и едногодишниот соселанец. Му го забил сечивото најпрвин во левата, а потоа во десната надколеница , нанесувајќи му рани во ширина од осум и пет сантиметри. Напаѓачот веднаш избегал од местото на инцидентот и го оставил повредениот облеан во крв. Повредениот бил однесен во општата болница во Струга, каде со операција му биле санирани повредите опасни по неговиот живот.Нетрпеливоста меѓу двајцата соселани траела подолго време бидејќи повредениот се сомневал дека напаѓачот извршил кражба од неговиот плац за моторни возила кај селото Долна Белица. Двајцата често се карале, а најжестоката расправија се случила на 30-ти април минатиот месец, кога двајцата си упатиле вербални навреди, а потоа и физички се пресметале. Во оваа караница се вклучиле и членови на нивните семејства. Против учесниците во тепачката поднесени се пријави и изречени им се парични глоби за учество во тепачка. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
Тетовец агресивно се однесувал со полицаец што вршел обезбедување на претседателските избори
Вчера, во 18.45 часот, полициски службеници од СВР Тетово пред влезот на основно училиште во Тетово го привеле Ѓ. Ј. (37) од Тетово затоа што агресивно се однесувал кон полициски службеник што вршел обезбедување при одржувањето на претседателските избори.
По документирање на случајот, ќе следува соодветен поднесок.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.