Црна хроника
Кривични пријави за сеча на огревни дрва во струшко
Четворица албански државјани и уште четворица жители на струшки села кривично ќе одговараат за крадење на дрва за огрев во атарот на струшкото село Франгово, соопшти СВР Охрид.
На втори овој месец полицајци ги затекнале албанските државјани ако вршат бесправна сеча на дрво за огрев во шума којашто била во државна сопственост. на местото биле пронајдени 110 метри просторни огревни дрва и шест коњи со кои дрвата требало да се транспортираат по селски пат во домовите на жителите на струшките села Франгово и Радолишта.Албанските државјани биле ангажирани како дрвосечачи, а добиле и привремено сместување. При претрес во домовите и другите простории на пријавени лица од Франгово и Радолишта, пронајдени се и привремено одземени околу 22 метри просторни бесправно пресечени нежигирани дрва. Осомничените подолг период организирано плански и смислено вршеле бесправна сеча а огревно дрво и нејзино транспортирање, со што го оштетиле имотот на јавното претпријатие „Македонски шуми“ кое стопанисува со државната шума. /крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.